எட்டிலே கிட்டும் அதிர்ஷ்டம்

 எனது முந்தைய பிறவிகளில் நான் பெற்று வளர்த்த எனது குழந்தைகளே இப்போது என்னிடம் நேரடியாகவோ அல்லது எண்ணங்களின் மூலமோ ஆன்ம தொடர்பில் இருக்கிறார்கள்.  எனது இருபது ஆண்டுகால அனுபவத்தை இயன்ற அளவு சுருக்கி எனது குழந்தைகளுக்காக இப்பதிவை எழுதி வைக்கிறேன்.  இந்தப் பதிவு எனது வாழ்விலும், என்னை சூழ்ந்து இருக்கும் எனது உறவினர்கள் நண்பர்கள் உடன் பணிபுரிபவர்களின் வாழ்வில் நடந்த அனைத்து நிகழ்வுகளையும் ஆய்வு செய்து எழுதப்பட்ட ஒரு ஆழ்ந்த அனுபவ பதிவு. இதை அறிவியல் பூர்வமாக நிரூபிக்க முடியுமா? என்றால் என்னால் நிரூபிக்க முடியாது. 

 

இந்த கலியுகத்தில் ஆங்கில தேதியான 8 தேதிகளில் அதாவது 8, 17, 26 இந்த மூன்று தேதிகள் அவ்வளவாக சிறப்பு பொருந்தியதாக கருதப்படுவதில்லை. இந்த மூன்று தேதிகளும், மேலும் 8 என்ற எண்ணையும் கூட துரதிஷ்டமாகவே பார்க்கப்படுகிறது. நானும் ஆரம்பத்தில் அப்படித்தான் நினைத்தேன். ஆனால் உண்மையில் 8 தேதியின் சிறப்புகளை பிறகு நன்கு ஆராய்ந்து அனுபவித்து உணர்ந்தேன்.  உண்மையில் 8 தேதிகள் பயந்து ஓட வேண்டிய தேதிகள் அல்ல. இந்த தேதிகள் மிகவும் அதிர்ஷ்டமான தேதிகளாக எப்படி உபயோகப்படுத்த வேண்டும் என்பது நன்றாக தெரிந்து இருக்க வேண்டும். 

 சரி இனி பதிவின் முக்கிய நோக்கமான முக்கிய குறிப்புகளை கீழே ஒன்றன் பின் ஒன்றாக வேகமாக பார்க்கலாம்.

 1) 8 தேதிகள் என்றால், 8  17 மற்றும் 26ஆம் தேதிகளைக் குறிக்கும்.

 2) இதைப்போல் 1 தேதிகள் என்றால், 1  10 மற்றும் 19 இந்த மூன்று தேதிகளை குறிக்கும்.  

 3) கலியுக எண் சாஸ்திரப்படி 8 எண், கர்மாவை நீக்கும் அல்லது சேர்க்கும் எண்ணாக கருதப்படுகிறது.

 4) ஒவ்வொரு எட்டு தேதிகளை நாம் இயன்றளவு  மௌனத்தோடு கூடிய இறை வழிபாடு மற்றும் தியானத்திற்கு மட்டும் உபயோகப்படுத்துவது நல்ல அதிர்ஷ்டத்தைத் தரும், மேலும்  நமது பிறவி கர்மாவையும் விரைந்து நீக்கும். 

5)  8 தேதிகளில் இயன்ற அளவு உலக விஷயங்கள்,  முக்கிய வேலைகளை செய்தல், புதிய நல்ல காரியங்களை  துவங்குதல் போன்ற செயல்களை செய்வதை தவிர்ப்பது மிக மிக நல்லது.  இதுவே நல்ல அதிர்ஷ்டத்தை அவர்களுக்கு தரும். 

6)  8 தேதிகளில் கடைப்பிடிக்கும் மௌனம் மற்றும் இறைவழிபாட்டில் கிடைக்கும் அதிர்ஷ்டத்தையும் மனநிம்மதியையும்  1, 4, 5 மற்றும் 6 தேதிகளில் நன்கு உணரலாம்.  

7) ஒவ்வொரு மாதங்களில் 8 தேதிகளை குறித்து வைத்து, தொடர்ந்து பயன்படுத்திக் கொண்டு வரும்பொழுது, அதுவே நல்ல அதிர்ஷ்டத்தையும் முன்னேற்றத்தையும் காட்டும்.

8) இருபத்தியோரு வயதுக்கு மேற்பட்டவர் மட்டும் இதை கடைபிடித்தால் போதுமானது. பொதுவாக கர்மா முழுமையாக வெளிப்பட ஆரம்பிக்கும் வயது இதுவே.  சில விதிவிலக்கும் உண்டு. அடியேன் எனக்கு மூன்று வயதிலேயே சனி திசை ஆரம்பித்து படாதபாடு பட்டேன்.  மனிதர்களின் உச்சக்கட்ட கர்மாவைக் கண்டு, மனித வாழ்வின்  நோக்கத்தை, சிறு வயதிலேயே நன்கு கற்று தேற வைத்தார் ஆசான் சனீஸ்வர பகவான்.  சனிபகவானே என் வாழ்வின் முதல் ஆசிரியர்.  ஒருவேளை இந்த வயதில் எனக்கு ஆசான் இந்த பாடத்தை நடத்தாமல் இருந்திருந்தால், நான் ஒழுங்கற்றவனாக மாறியிருப்பேன். 

9)  8 தேதிகளில் செய்யப்படும் நல்ல காரியங்களும், உலக விஷயங்களும் நீண்டநாள் வெற்றியைத் தருவதில்லை. அது விரைந்த தோல்வி, நஷ்டம், மனம் மற்றும் உடல் துன்பத்தைக் காட்டுகிறது.

10) நீங்கள் பணி செய்பவராயின், இந்த எட்டு தேதிகளை ஏதேனும் ஒரு காரணத்தை சொல்லி இயன்றவறை விடுப்பு எடுத்து, மௌனம் மற்றும் இறை வழிபாடு செய்யலாம். உங்கள் வாழ்வில் நீங்கள் உங்களுக்காக வாழும் உன்னதமான நாட்கள் இதுவே. உங்களுக்கு வாசியோகம் தெரிந்தால் இன்னும் சிறப்பு.

11) உங்கள் குடும்ப உறுப்பினர்கள் தடை விதித்தால், அவர்கள் நலனுக்காகவே இந்த மௌன விரதத்தை நீங்கள் கடைப்பிடிப்பதாக சொல்லுங்கள். அவர்கள் ஒத்துக் கொள்வார்கள். அவர்களின் உடல்நலம் மன நலத்திற்கு தான் இதை நீங்கள் செய்வதாக சொல்லி விடுங்கள். அல்லது உங்கள் உடல் நலம், மன நலம் மற்றும் பண வரவிற்காக செய்வதாக சொல்லுங்கள். பணம் என்றால் பிணமும் வாயைத் திறக்கும், அனைவரும் அமைதியாகி விடுவார்கள்.

12)  துரோகம், பாவச்செயல், ஒழுக்கமற்ற செயல், சூதாட்டம் மற்றும் சட்டத்திற்குப் புறம்பான செயல் போன்ற தீய செயல்களில் ஈடுபடுவோருக்கு 8 தேதிகள் மிகவும் அதிர்ஷ்டத்தைக்  கொடுப்பது போல் ஆசைகாட்டி, அவர்களை மீளவே முடியாத துன்பத்திற்கு இட்டுச்செல்லும்.

1

3) தர்ம சிந்தனையும், நல்ல எண்ணங்களும் கொண்டவர்கள் 8 தேதிகளில் அதிக துன்பத்திற்கு ஆளாவது இயல்பு. ஏனெனில் அந்த நாட்களில் அவர்களின் கர்மா துரிதமாய் வெளியேற முயற்சி செய்யும். எது சத்தியம் எது நிலையற்றது என்ற ஞானத்தைக் கற்றுக்கொள்வார்கள். அதனாலேயே அவர்களை நான் மௌனம் மற்றும் இறைவழிபாட்டில் கவனம் செலுத்தச் சொல்கிறேன்.

14) மௌனம் என்றால் வாயை மட்டும் மூடிக்கொள்வது அல்ல. இயன்றவரை புறவிசயங்களில் இயங்காமல், இறைசிந்தனையோடு நாள் முழுவதும் இருப்பதாகும்.

15) என்னதான் வாயை மூடி மௌனம் கடைபிடித்தாலும், எண்ணங்கள் அதிவேகமாய் தொடர்ந்து வெளியேறிக்கொண்டே இருக்கும். இதுவே சிறப்பு. அந்த எண்ணங்களை கவனியுங்கள். நம் உயிரைச் சூழ்ந்த கர்மாவின் வெளிப்பாடாக அது இருக்கும். எண்ணங்களை மீண்டும் மீண்டும் இறைவனை நோக்கி செலுத்துங்கள். அன்றய பகலில் உறங்கிவிடாதீர்கள். ஞானம் சார்ந்த புத்தகங்கள் சிறிது நேரம் படிக்கலாம்.

16)  8 எண்ணை உலக விசயங்களுக்கு அதிர்ஷ்டமான எண்ணாக கருதும் நாடு எது தெரியுமா? அது உங்களுக்கு தெரிந்தாலே நான் அதிகம் சொல்ல தேவையில்லை, அனைத்தையும் நீங்களே புரிந்துகொள்வீர்கள். கீழே உள்ள ஸ்க்ரீன் ஷாட்டைப் பாருங்கள்.

17)  இறைவன் என்னும் போலீஸ் அதிகாரி, தீயவர்களை அடையாளம் காண மாறுவேடத்தில் வீரியமாய்க் காத்திருக்கும் நாட்களில், நல்லவர்கள் மௌனமாய் செயல் இழந்து இருப்பார்கள். அடியேன் நான், சீட் பெல்ட் போடவில்லை,  ஒரிஜினல் லைசன்ஸ், காரின் கண்ணாடி ஒளி ஊடுருவும் தரத்தில் இல்லை, அறியாமல் ஒருவழிப்பாதையில் வந்தேன்  -  என பலமுறை அபராதம் செழுத்திய நாட்கள் இந்த 8 தேதிகளே. இத்தனைக்கும் பதில் சொல்லிவிட்டு சாலையைக் கடக்க முற்ப்பட்டபோது, "பாதாள சாக்கடை உடைந்ததால் மாற்றுப் பாதையில் செல்லவும்" என தடுப்புப் பலகை இருக்கும். இத்தனை சோதனை செய்த அந்த அதிகாரி இதை முன்பே சொல்லியிருந்தால் நான் அப்படியே திரும்பியிருப்பேனே...

நான் அதிக அனுபவ பாடங்களையும் கற்றிருக்கிறேன்.  அந்த அதிகாரி, அந்த நாளில், "போலீஸா... பொறுக்கியா..." என்ற சினிமா வசனத்திற்கேற்றபடி கெடுபிடியாகத்தான் இருப்பார்.

18) நீங்கள் நன்கு கவனித்துப் பார்த்தால், இந்த நாட்களே உங்களுக்கு அதிக கோபம், வாய் தகராறு, அடிதடி எண்ணங்கள் அதிகமாய் இருக்கும். மௌனத்திற்குள் ஓடிவிடுங்கள் என் செல்லக்குட்டிகளே. போலிஸ் அதிகாரி வந்துகொண்டிருக்கிறார். கவனம்.

19)  ஒருவர் 8 தேதிகளில் இயல்பாகவே சோதனைகளை அனுபவிக்கிறார் எனில் அவருக்கு சூரியனின் ஆற்றல் மிகுந்து கிடைக்கிறது என்று பொருள். அவர் கூடிய விரைவில் அற்புதமான பொருட் செல்வத்தையும் அருட் செல்வத்தையும் பெறப் போகிறார் என்ற மகிழ்வான செய்தியை, எனது அனுபவத்தின் மூலம் சொல்கிறேன்.  இந்த நாட்களில் மௌனத்துடன் கூடிய தியானத்தில் ஈடுபட்டால் சூரிய ஆற்றல் பல மடங்கு பெருகும்.

20) திருமணத்திற்காக காத்திருக்கும் என் செல்லக் குழந்தைகளுக்கான பதிவை கீழே எழுதியுள்ளேன்.

http://fireprem.blogspot.com/2021/07/blog-post_20.html?m=1

21) ஈஸ்வர தியானத்திற்கு பௌர்ணமி, பிரதோசம், ஷஷ்டி போன்ற பல சுப நாட்கள் இருந்தாலும்,  8 தேதிகள் தியானத்திற்கு அதிக பலன் அளிக்கும். ஏனெனில் அந்த நாட்களே நம் கர்மா வீரியமாய், நம் எண்ணங்களாக வெளிப்பட முயற்சிக்கும். அதை மௌனமாய் நாம் கவனித்தாலே போதும்.

கலியுக எண் சாஸ்திரத்திற்கான என் மானசீக குரு தெய்வத்திரு பண்டிட் சேதுராமன் அய்யா பாதம் பணிந்து நன்றி தெரிவித்து இப்பதிவை நிறைவு செய்கிறேன்.

இப்படிக்கு உங்கள்,

அகத்திய பக்தன்.

நாதம் என் வேதமே

 நாதம் என் வேதமே

ஓம் அகத்தீசாய நமஹ.

 இந்த பதிவு உங்களுக்கோ அல்லது உங்கள் குழுவுக்கோ எந்த அளவுக்கு பொருந்தும் என்று எனக்கு தெரியவில்லை. எனினும் யாரோ ஒருவருக்கு இந்த தகவல்கள் போய்ச் சேர வேண்டும் என்பது குருநாதரின் விருப்பமாக இருக்கலாம்.  இப்பதிவில் குறிப்பிட்ட ஏதாவது ஒரு சிறு குறிப்பு அல்லது சிறிய அனுபவமோ உங்களுக்கு உபயோகமாக இருப்பின் அது குரு நாதரின் அருளாகவே இருக்கும்.

கடந்த 2015ஆம் வருடம் மே மாதம், குருநாதர் அருளால் எனக்குக் கிடைத்த அனுபவத்தை முந்தைய பதிவில் எழுதினேன்.  ஆனால் அதில் எழுதாமல் விடுபட்ட "நாதம்" என்ற பகுதியை இங்கு எழுதுகிறேன்.   பொதுவாக இது போன்ற யோக அனுபவங்களை பதிவாக எழுதும் பொழுது, எனக்கு ஏதோ நிறைய சுய தம்பட்டம் அடித்துக் கொள்வது போல் குற்ற உணர்வாய் தோன்றும். அதனால் இயன்றவரை எழுதாமல் காலம் தாழ்த்தி கொண்டே இருப்பேன். எனினும் குருநாதர் ஆழ்மனதில் இருந்து இதற்கான தூண்டுதலை கொடுத்துக்கொண்டே இருப்பார். ஒரு வேளை யாரோ ஒருவருக்கு இந்த தகவல் தேவைப்படலாம் என்று கருதியே இப்பதிவை இங்கு எழுதுகிறேன்.

 அந்த விந்தையான யோக அனுபவத்திற்கு பின் எனக்கு சிரசில் ஒரு ரீங்கார ஒலி கேட்க ஆரம்பித்தது.  அது சில நேரங்களில் வீரியமாக கேட்டது, சில நேரங்களில் மிதமாக கேட்டது.  ஆரம்பத்தில் நான் அதை, அறையை சூடேற்றும் கருவியின் ஓசை என்று நினைத்தேன்.  ஏனெனில் ஜெர்மனியில் வீடு மற்றும் அலுவலகங்கள் அனைத்து இடங்களிலும் சூடேற்றும் கருவி இயங்கிக் கொண்டே இருக்கும். சில தினங்கள் கழித்து அந்த வினோத ஒலி எனக்கு மட்டும் கேட்கிறது என தோன்றியது.  இதை உறுதிப்படுத்த ஜெர்மனில் என்னுடன் பணிபுரியும் பிரசன்னாவிடம் லேசாக தயக்கத்தோடு கேட்டேன். அவர் தனக்கு அப்படி ஏதும் ஒரு வினோத ஒலி கேட்கவில்லையே என்றார்.  அதற்கு பிறகுதான் எனக்கு சிறிது குழப்பமாக இருந்தது. ஏன் இந்த ஓசை எனக்கு மட்டும் கேட்கிறது?  குடும்ப வாழ்க்கையில் இருக்கும் நான் ஏதோ செய்யக் கூடாத யோகப் பயிற்சியை செய்து விட்டோமோ என சிறிது கவலை வந்தது.  எனினும் யோகப் பயிற்சியை தினமும் கடைப்பிடித்தேன்.  அவ்வாறு பயிற்சி செய்வது எனக்கு மிகுந்த உற்சாகமாக இருந்தது. மேலும் அந்த கடும் குளிருக்கு மிகவும் இதமாக இருந்தது யாரிடம் இதைப்பற்றி கேட்கலாம் என யோசித்தேன்.  நமது குரு நாதரின் அருள் பெற்ற தவயோகி தங்கராசன் அடிகளாரிடம் கேட்கலாம் என தோன்றியது. ஆனால் அவர் பயிற்சியின் முழு விவரத்தையும் கேட்பாரே ? என்ன பதில் சொல்வது, என கவலைப்பட்டேன்.  நான் விரும்பி யோகப் பயிற்சி செய்யவில்லை, எனக்கு எந்த மனிதகுருவும் இல்லை, என்பதை அவர் எப்படி நம்புவார்? நான் பயிற்சி செய்யவில்லை, மாறாக பயிற்சி செய்ய பணிக்கப்பட்டேன்.   எனினும் அவரிடம் மின்னஞ்சல் மூலமாக கீழ்க்கண்டவாறு கேட்டேன் நான் எதிர்பார்த்தது போல் அவரும் மேலும் அதிக விவரங்களை கேட்டார். என்ன சொல்வது என்று தெரியாமல் அப்படியே பதில் சொல்லாமல் விட்டு விட்டேன்.

கூகுள் தேடலில் இதன் பெயர் Tinnitus என்ற காது நரம்பு பாதிப்பு என பயமுறுத்தியது.  எனினும் பயிற்சியை நிறுத்த மனமில்லை, வருவது வரட்டும், ஆறிலும் சாவு நூறிலும் சாவு தான்.  மரணமே வந்தாலும் குருநாதரின் பாதத்தை தானே அடையப் போகிறேன், என தொடர்ந்து பயிற்சி செய்ய ஆரம்பித்தேன்.  எப்போதும் நீங்காத ஒலி எனக்கு மட்டும் கேட்டு கொண்டே இருந்தது.  கடந்த 2018ம் ஆண்டின் இறுதியில் "பாண்டிச்சேரி ஞானாலயம்"  உயர் ஆன்மாக்களின் நூல்களை படிக்க ஆரம்பித்த பிறகுதான் இந்த வினோத ஒலியின் பெயர் "நாதம்" என்று தெரிந்து கொண்டேன். எங்கு செல்கிறோம், எப்படி செல்கிறோம் என்ற சரியான தெளிவு இல்லாத எனக்கு பாண்டிச்சேரி அன்பாலயம் நூல்களை  காட்டிக்கொடுத்த நம் குருநாதரின் பாதங்களை பணிந்து நன்றி தெரிவித்தேன்.  

நான் மந்திர தீட்சை பெற்ற பின் அந்த மந்திரத்தை எனது முந்தைய பதிவான "அனுபவ ஞானம் - மந்திரம்" என்ற பதிவில் உள்ளபடி கும்பகப் பிராணாயாமத்தை சேர்த்து சிறிது சிறிதாக பயிற்சி செய்ய ஆரம்பித்தேன் இது எனக்கு ஏற்கனவே கேட்டுக்கொண்டிருந்த நாதத்தை நன்கு வீரியமான ஓங்கிய ஒலியாக செவிமடுக்கச் செய்தது.  இது என் தனிப்பட்ட சுய முயற்சிதான். இதை யார் செய்யலாம் யார் செய்யக்கூடாது என்பதை நீங்களே குருநாதரை தியானம் செய்து முடிவெடுத்துக் கொள்ள வேண்டும். எனக்குத் தெரிந்தவரை அதற்கான ஆன்ம தகுதிகளை அதே பதிவில் எழுதியுள்ளேன். இறைவனின் அருளை பெறுவதற்கு நிபந்தனையற்ற அன்பு மட்டுமே மட்டுமே போதுமானது. கடுமையான பயிற்சிகள் செய்ய வேண்டும் என்ற கட்டாயம் கிடையாது.

 கும்பக பிராணாயாமத்தில் நன்கு தேர்ச்சி பெற்றவர்கள் மட்டும் கீழ்கண்ட எனது அனுபவ முறைகளை முயற்சி செய்யலாம். இது நாதத்தை மேலும் மெருகேற்றும். இப்பயிற்சியின் விளைவுகளையும் நீங்கள் தாங்கிக் கொள்ளத் தான் வேண்டும். உங்கள் உடலுக்கு ஒத்து வருமா என்பதை யோசித்து முடிவு எடுங்கள்.

ரேசகம் - ஒரு மந்திரம் அளவு

 பூரகம் - இரண்டு மந்திரங்களின் அளவு 

கும்பகம் - நான்கு மந்திரங்களின் அளவு

 மேலே உள்ள பயிற்சியில் நன்கு தேறியவர்கள் ( குறைந்தது ஒரு மண்டல காலம்)  மேலும் முன்னேற விரும்புபவர்கள் கீழ்கண்ட அடுத்த பயிற்சி முறையையும் செய்து பார்க்கலாம்.

 ரேசகம் - ஒரு மந்திர அளவு

 பாஹ்ய கும்பகம் - ஒன்று அல்லது இரண்டு மந்திரங்களின் அளவு

 பூரகம் - இரண்டு மந்திரங்களின் அளவு

 கும்பகம் - நான்கு மந்திரங்களின் அளவு

 இவ்வித பயிற்சிகளின் விளைவாக அடிவயிற்றில் நாய்க்குட்டி ஒன்று  முனங்கும் ஓசை கேட்கும். மேலும் வயிற்றில் இரைச்சல்,  வீரியமான எண்ணங்களின் வெளிப்பாடு பிறகு எண்ணங்கள் மெல்ல மெல்ல அடங்கும். சிறிது சிறிதாக உலக வாழ்க்கை வெறுக்க ஆரம்பிக்கும். இந்த பயிற்சியின் பின் சுழுமுனை தியானம் செய்யும்போது நாசியில் சுவாசம் சிறிது சிறிதாக ஸ்தம்பிப்பதையும், நாதத்தில் சில மாற்று சுருதிகள் மற்றும் ஓசை வேறுபடுவதையும் நன்கு உணரலாம். உள்ளாடைக்குள்ளிருந்து பஞ்சுகள் உட்புறமாக உறிஞ்சப்பட்டு உடலில் ஒட்டியிருக்கும். உடல் உருகி கிட்டத்தட்ட மரணத்தை நோக்கிய பாதைதான். அதனாலேயே பல ஞானிகளும் சித்தர்களும் இதை வேண்டாம் என அறிவுறுத்தினார்கள்.

 மேற்கண்ட பயிற்சியில் நன்கு தேறியபின், சில யோகிகள், குருநாதர் அருளால் உச்சிஷ்ட கணபதி நுணுக்கங்கத்தோடு ஹடயோகம் முத்திரைகளும் சேர்ந்த பயிற்சிகளை செய்வார்கள். இதை மனிதர்கள் சொல்வது நிச்சயம் சாபத்தை கொடுக்கும் இதை சுழுமுனை நாடியில் குருநாதரே நின்று உபதேசிப்பார்.  இன்னும் சில யோகிகள் இந்த யோகப் பயிற்சிகளோடு பாதரசத்தையும் உபயோகம் செய்வார்கள். பாதரசம் என்பது ஒரு விஷம் என்று உங்களுக்கு நன்றாக தெரியும். எனினும் அந்த யோகியர்கள் இது போன்ற பயிற்சிகளை ஆபத்து என நன்கு தெரிந்தும் செய்வார்கள்.

 சரி, மீண்டும் எனது அனுபவத்திற்கு வருவோம். எப்போதும் எனக்கு கேட்டுக் கொண்டிருந்தத ரீங்கார நாதம்,  சில ஆண்டுகளில் மாற்றத்தை உணர முடிந்தது. ஒரு முறை மானாமதுரை பஞ்சமுக பிரித்தியங்கிரா தேவி ஆலயத்திற்கு மகா சண்டி யாகத்திற்காக சென்றபோது, இறுதி நாள் மாலை அமைதியாக யாக சாலைக்கு அருகே அமர்ந்து நாதத்தோடு தியானம் செய்து கொண்டிருந்தேன். வழக்கமான நாதத்தில் ஆச்சர்யமான மாற்றம் இருந்தது. அப்போது குழம்பு கொதிக்கும் தலபுல சத்தம் கேட்க ஆரம்பித்தது.  இன்னும் உன்னிப்பாக கவனித்ததில் அது மத்தள நாதமாக கேட்டது. இது சில சமயம் டம்டம் என வீரியமாகவும் கேட்கும்.  அதே ஆலயத்தின் ஸ்தல விருட்சமான தான்றி மரத்திற்கு அடியில் பகல்பொழுதில் தியானம் செய்யும் பொழுது வழக்கமான ரீங்கார நாதம், வீணை நாதமாக மாற்றமடைவதை கவனிக்க முடிந்தது.

நாதத்தில் இன்னும் பல படிநிலைகள் கடக்கவேண்டி உள்ளது. குருநாதர் பாதம் போற்றி.  என்னைப் போன்று பல விதமான வேறுபட்ட மார்க்கங்களை சார்ந்தவர்களும், பாண்டிச்சேரி ஞானாலயத்தில் தீட்சைகளைப் பெற்று ஆன்ம முன்னேற்றம் பெற்றுக் கொண்டிருக்கிறார்கள்.  

 மேலும் சில கேள்வி பதில்களையும் இங்கு பார்ப்போம். நானே எனது அனுபவத்தை, சுய புராணமாய் பாடிக் கொண்டே இருப்பதில் என்ன பலன் ?  உங்களுக்கும் ஏதாவது ஒரு சிறு குறிப்பாவது இங்கே உபயோகமாகும் என்று நம்புகிறேன். நீங்களும் குருநாதர் அருளால் நாதத்தை செவிமடுக்க வேண்டும், என்பதே எனது விருப்பம்.

கேள்வி பதில்.

1) மேற்கண்ட பயிற்சி செய்பவரின் உணர்வுநிலை என்ன?

பாடல் பதிவாக.

http://fireprem.blogspot.com/2021/07/blog-post.html?m=1

2) உச்சிஷ்ட கணபதி நுணுக்கம் என்றால் என்ன?

http://fireprem.blogspot.com/2022/03/blog-post.html?m=1

3) ஞானம் பெறுவதற்க்கு இவ்வளவு கஷ்டமான பயிற்சிகள் அவசியமா?

 அவசியம் இல்லை. எளிதாகவே ஞானத்தை பெறலாம். அடியேன் நான் இந்த இந்த பயிற்சிகளை செய்வேன் என்று ஆன்ம நிர்ணயம் கொண்டு பிறவி எடுத்தால் அதை செய்ய வேண்டிய கட்டாயம் ஏற்பட்டுவிட்டது.

http://fireprem.blogspot.com/2018/10/blog-post.html?m=1

4) 2015 ஆம் ஆண்டில் கிடைத்த யோக அனுபவம் என்ன?

http://fireprem.blogspot.com/2018/11/blog-post_29.html?m=1

http://fireprem.blogspot.com/2017/03/2017.html?m=1

5) அனுபவ ஞானம் - மந்திரம். பதிவில் என்ன உள்ளது?

http://fireprem.blogspot.com/2021/10/2.html?m=1

6) கும்பக பிராணாயமத்திற்கான ஆன்ம தகுதி என்ன?

http://fireprem.blogspot.com/2021/08/?m=1

7) கும்பகம் பற்றி சித்தர்களின் கருத்து என்ன? செய்யலாமா   கூடாதா?

https://fireprem.blogspot.com/2017/03/blog-post.html?m=1

8) நாதம் செவிமடுக்க, மற்ற யோகிகள் எழுதிய எளிய நுணுக்கங்கள்.

http://tamilmarmayogam.blogspot.com/2015/06/blog-post_25.html

https://psychologicallyastrology.com/2020/03/09/sounds-heard-during-mediation/

https://www.yogameditation.com/reading-room/nada-yoga/

http://www.ipn.at/ipn.asp?BJE

https://auromere.wordpress.com/2010/02/12/the-subtle-sounds-which-indicate-progress-in-yoga/

https://medium.com/@anamcaramanila/the-subtle-sounds-which-indicate-progress-in-yoga-d13a599c8dc0

9) உயர்ந்தது எது? குருநாதரா? நுணுக்கங்களா?

http://fireprem.blogspot.com/2018/08/blog-post.html?m=1

10) ஒருவர் பொதுவாக, எந்தக் காலகட்டத்தில் ஞானத்தைத் தேடுவார்?

http://fireprem.blogspot.com/2017/09/blog-post.html?m=1

இப்படிக்கு,

அன்புடன்

அகத்திய பக்தன்.

ஒற்றை அணு - சுய விபரம்

 வாலை என்ற ஒற்றை அணு

x

அகத்திய பக்தன்

முருகரின் பஞ்ச கனிம நுண்ணோக்கி

 முருகரின் பஞ்ச கனிம நுண்ணோக்கி

ஓம் அகத்தீசய நமஹ.

பதிவை தட்டச்சு செய்ய நேரமில்லை.

ஆன்ம விடுதலையின் தன்மையைப் பொருத்து புரிதல் அளவு இருக்கும்.

ஞானாலய நூல்களை நன்கு கற்று தேறவேண்டும்.

ஆய்வுக் கட்டுரை எழுதுவோர்க்கு உதவும் குறிப்புகள்.

  

உங்கள்

அகத்திய பக்தன்.

 மூளைக்குள் ஐந்து தொழில்கள்

முருகப்பெருமான் அருளிய "மூளை எனும் தலைமை சுரபி" என்னும் நூலில்  இருந்து அடியேன் எனது புரிதலில் சில வரைபடங்கள்.

1) மேலே உள்ள செயல்படத்தில் முதலில் வெளிப்படுவது நஞ்சு.

இரண்டாவதாக வெளிப்படுவது அணுக்கள்.

மூன்றாவதாக வெளிப்படுவதே அமிர்தம்.

இதன்மூலம் மேலும் இரண்டு விசயங்களை நாம் புரிந்துகொள்ளலாம்.

2) பார்கடலைக் கடையும்போது முதலில் நஞ்சு, இரண்டாவதாக செல்வம், இறுதியாக அமிர்தம்.

3) நமது கர்மா இறைவனால் நீக்கப்படும்போது,

1. ஆன்மாவை சிறைப்படுத்தும் கர்மா அழியும்போது முதலில் வெளிப்படுவது துன்பம் என்ற நஞ்சு. சோர்ந்து போகாதீர். 
2. இரண்டாவதாக வெளிப்படுவது செல்வமும் புகழும். மயங்கி விடாதீர்கள். 
3. மூன்றாவதாக வெளிப்படுவது அமிர்தமான இறையாற்றல். இனி சூழ்ந்திருப்போர் உங்களிடம் பிராத்தனை வைப்பார்கள். அடக்கமாய் அதை இறைவனிடம் சமர்பியுங்கள்.

இந்த நூலைப்பற்றிய முதல் பதிவு கீழே.

http://fireprem.blogspot.com/2020/02/blog-post.html?m=1

உங்கள்,

அகத்திய பக்தன்.

பொறுப்புள்ள தந்தையின் வேண்டுதல்.

அடியேன் அகத்திய பக்தனின் தினசரி வேண்டுதல்கள்.

1. இறைவனோடு விரைவில் தன் உயிர் சேரவேண்டும் என்ற நோக்கமே ஞானம்.
2. மேற்கண்ட ஞானத்தோடு தன் அன்றாட கடமைகளை செய்துகொண்டிருப்பதே கர்மயோகம்.
3. இன்ப துன்பத்தில் கவனம்  வைக்காமல் உற்சாகமாய் இருப்பதே உயர்வு.
4. இறைவனோடு விரைந்து சேரவேண்டும் என்ற ஞானத்தை, தினமும் தவறாமல் பணிந்து ஏக்கத்தோடு பிராத்திக்கவேண்டும்.
5. இந்த பிராத்தனையோடுதான் ஒவ்வொரு நாளும் ஆரம்பிக்கவும் முடியவும் வேண்டும்.
6. சிறிதும் சந்தேகம் இல்லாமல் உண்மையாக தினமும் இந்த ஞானத்தை வேண்டிப் பிராத்தனை செய்பவருக்கு, இன்பமும் துன்பமும் அடிபணியும். 
7. இயற்கை உன்னைக் காதலிக்கும்.
8. மரணத்திற்கு அஞ்சாதவரைக் கண்டு சூழ்ந்திருப்போர்கள் வணங்குவார்கள். தீயோர்கள் அஞ்சுவார்கள்.
9. நம் ஆன்மா புவியீர்ப்பு சக்தியோடு மும்மலக் கயிற்றால் பிணைக்கப்பட்டுள்ளது.
10. மும்மலக் கயிற்றை விரைந்து அழிக்கக்கூடியதே மேற்குறிப்பிட்ட ஞானம்.
11. புவியீர்ப்பிலிருந்து விடுபட்ட ஆன்மாவாய் பூமியில் வாழ்வோரே உயர்குலத்தோர்.
12. ஆன்மாவை சிறைப்படுத்தும் கர்மா அழியும்போது முதலில் வெளிப்படுவது துன்பம். சோர்ந்து போகாதீர். மேற்குறிப்பிட்ட ஞானத்தை தொடர்ந்து பிராத்தியுங்கள்.
13. இரண்டாவதாக வெளிப்படுவது செல்வமும் புகழும். மயங்கி விடாதீர்கள். மேற்குறிப்பிட்ட ஞானத்தை தொடர்ந்து பிராத்தியுங்கள்.
14. மூன்றாவதாக வெளிப்படுவது அமிர்தமான இறையாற்றல். இனி சூழ்ந்திருப்போர் உங்களிடம் பிராத்தனை வைப்பார்கள். அடக்கமாய் அதை இறைவனிடம் சமர்பியுங்கள்.
15. உங்கள் அன்பிற்குரியவர்களும் விரைந்து இறைவனிடம் சேரவேண்டும் என பிராத்தியுங்கள்.
16. நீங்கள் வெருப்பவரும் மன்னிக்கப்படட்டும். அவரும் விரைந்து இறைவனிடம் சேரவேண்டும் என பிராத்தியுங்கள்.
17. ஆன்ம விடுதலை என்பது தற்கொலை அல்ல. ஆன்மாவின் புவியீர்ப்பை விரும்பித் துறப்பது.
18. ஆன்ம விடுதலை என்பது பரதேசியாய் திரிவது அல்ல. சாமியாராகவோ பிரம்மசாரியாகவோ இருக்கவேண்டிய அவசியமில்லை.
19. முந்தைய  பிறவியில் நானே உன்னைப் பெற்று வளர்த்திருப்பேன்.
20. எனது குழந்தைகளே என்னைச் சூழ்ந்து வாழ்ந்து கொண்டிருக்கிறார்கள்.
21. எனது குழந்தைகள், ஒழுக்கமும் இறைபக்தியும் கொண்டவர்கள்.
22. எனது ஆன்ம தொடர்பை விரும்புவோர் என்னை தன் தந்தையாக ஏற்கலாம்.
23. நாசிக்குக் கீழே என் சுவாசம் முமுமையாக நின்றபின் என்னை நம்பலாம்.

கலியுகத்தின் வீரியத்தை அடியேன் குரு அருளால் உணர்ந்து எழுதிய மற்றொரு பதிவு கீழே உள்ளது. படித்துப் பாருங்கள்.

http://fireprem.blogspot.com/2021/05/blog-post.html?m=1

பெரிதினும் பெரிது கேள் ! இறைவனிடம் இறைவனையே கேள் !!.

உங்கள்,

அகத்திய பக்தன்.

கர்ம ஞானம்

 கர்மாவின் லக.. லக.. லக..

 சில ஆண்டுகளுக்கு முன் சூப்பர் ஸ்டார் ரஜினிகாந்த் மற்றும் நடிகை ஜோதிகா நடித்த சந்திரமுகி திரைப்படத்தின் கொடூர சிரிப்பொலியான "லக லக லக" வை நீங்கள் நிச்சயம் மறந்திருக்க முடியாது. முற்பிறவியில் தன்னையும் தன் காதலனை கொலை செய்த, வேட்டையன் ராஜாவை கொல்லத் துடிக்கும் நாட்டியக்காரி ஆவி, ஜோதிகாவின் உடலில் புகுந்து தன் கோபத்தை வெளிப்படுத்தும். கிளைமாக்ஸில் வேட்டையன் ராஜாவை கொல்வது போல் காட்டி, அந்த நாட்டியக்காரி ஆவியை சமாதானம் செய்வது தான் இந்த கதையின் முக்கிய சாராம்சம்.  அறிவியல் பூர்வமான மனோதத்துவமாகவும் இதை நாம் எடுத்துக் கொள்ளலாம்.

இப்போது நாம் புரிந்துகொள்ள போகும் ஒரு அற்புதமான சூட்சுமத்தை இங்கு பார்க்கலாம். அதற்கு முன் நமது குருநாதரையும், எனது முற்பிறவிகளிலிருந்தே எனக்கு ஆசானாகவும் அப்பனாகவும் அன்னையாகவும் ஞானம் புகட்டிய பரிமள குரு அன்னையின் பாதங்களையும் பணிந்து வணங்கி நம் நன்றிகளை தெரிவித்துக் கொள்வோம்.

 முற்பகல் செய்யின் பிற்பகல் விளையும். நாம் இந்தப் பிறவியிலோ அல்லது கடந்த பிறவியிலோ, பிற உயிர்களை நோக்கி செய்த காரியங்களின் எதிர்வினையே கர்மா.

எனது சாப்ட்வேர் அனுபவப்படி சொல்லவேண்டுமெனில், ஒரு அவுட் புட் இருக்கிறது எனில் அதற்குரிய இன்புட் நிச்சயமாக இருந்தாக வேண்டும். every output must have its relevant input.

 ஒவ்வொருவரும் அவரின் கர்மாவை அதற்கு உரிய காலத்தில் அனுபவித்துத் தான் ஆக வேண்டும் என்பது விதி. இதிலிருந்து யாரும் தப்பிக்க முடியாது. எனினும் இந்த கர்மா என்னும் தலைவிதியின் வீரியத்தை குறைக்கும் அல்லது அழிக்கும் ஆற்றல் ஒற்றை அணுவுக்கு மட்டும் உண்டு. இந்த ஒற்றை அணு தான் பராசக்தி என்றும் அழைக்கப்படுகிறாள். இதுவே ஒவ்வொருவரின் சிரசிலும் உயிராக உள்ளது. இந்த ஒற்றை அணு வீரியமாய் செயல்படுவதற்கான ஆற்றலைப் பெற வேண்டுமெனில், நாம் "இறைஞ்ச" வேண்டும்.  அதாவது இறைவனை பணிந்து வணங்க வேண்டும். அவ்வாறு பணிந்து வணங்கும் பொழுது விண் ஆற்றல் இந்த ஒற்றை அணுவிற்கு அதிகமாய் கிடைக்கும்.

 கர்மாவின் காரணத்தால் சிறைப்பட்ட ஆன்ம துகள்களை விடுவிக்கும் ஆற்றல் ஒற்றை அணுவிற்கு உண்டு.

 அடியேன் எனது அனுபவம் மற்றும் புரிதலின்படி கடுமையான கர்மாக்கள்,  நாம் விரும்பத்தகாத கனவுகளாகவும் வெளிப்படுவதும் உண்டு. சிறைப்பட்ட ஆன்மத்துகள்கள் முழுமையாக விடுதலை ஆகும்வரை, இது போன்ற விரும்பத்தாக கனவுகள் தொடர்ச்சியாக வரும்.

 உதாரணமாக ஒருவர் பலரோடு திருமணபந்தம் மூலமோ அல்லது வேறு மார்க்கத்திலோ உறவு கொள்ள வேண்டும் என்ற தலைவிதி இருந்தால், அந்த விதியை ஒற்றை அணுவால் கனவுகளாக வெளிப்படுத்தி சாமாதானம் செய்து சிறைப்பட்ட ஆன்மத்துகள்களை விடுதலை செய்யமுடியும். முக்கியமாக ஆழ்ந்த பக்தி வழிபாட்டிலோ அல்லது சக்திவாய்ந்த ஆலயங்களுக்கு யாத்திரை செய்து விட்டு வந்த பிறகோ, அதிகமான விரும்பத்தகாத கனவுகள் ஏற்படுகிறது எனில், அவரது சிறைப்பட்ட  ஆன்மத்துகள்கள் விடுபடுகிறது என்று பொருள்.  இதற்காக நீங்கள் பயப்படத் தேவையில்லை, இறைவன் உங்களை வழி நடத்துகிறார் என்பதில் சந்தேகம் இல்லை.

 இனி மீதமுள்ள தகவல்களை நீங்கள் கீழே உள்ள பட குறிப்புகளிலிருந்து புரிந்துகொள்ளலாம். எனினும் விவரமாக புரிந்து கொள்ள பாண்டிச்சேரி ஞானாலயத்தின் நூல்களை வாங்கிப் படித்து பயன் பெறுங்கள்.

ஒற்றை அணு - சுய விபரம் - கீழே உள்ளது

http://fireprem.blogspot.com/2022/04/blog-post.html?m=1

உங்கள்,

அகத்திய பக்தன்

 கணாபத்திய ஞானம்

கணபதி யார்? 

கணபதி சுழுமுனை நாடியை குறிப்பவர். "சுருண்ட முனை" என்பது சுழுமுனை ஆச்சு. அதாவது சுருண்ட தும்பிக்கையை இது குறிக்கிறது. தும்பிக்கை இடப்பக்கமாகவோ அல்லது வலப்பக்கமாகவோ அசையலாம். கணபதி என்ற சுழுமுனை நாடி,  தும்பிக்கை போன்று நீண்டு உயிர் என்ற வாலை சக்தியோடு ( பராசக்தி ) பொருத்தி இணைக்கும் யோக நுணுக்கமே கணாபத்யம் எனப்படும்.

ஆன்மா (சிவன்) தனக்குக் கிடைக்கும் சூரிய ஆற்றலை உயிருக்கு (சக்தி) அனுப்பி விடும். உயிர் அதை காந்த ஆற்றலா அல்லது வெப்ப ஆற்றலா என்பதைப் பிரித்து உணர்ந்தபின்,  சுழுமுனை நாடிக்கு கொடுத்துவிடும். சுழுமுனை நாடி, தனக்கு வரும் ஆற்றல் காந்த ஆற்றல் எனில் வலது பக்கமாக வளைந்து பெற்றுக்கொள்ளும், அதுவே வெப்ப ஆற்றல் எனில் இடது பக்கமாக வளைந்து பெற்றுக்கொள்ளும். சுழுமுனை நாடி இவ்வாறு பகுத்து உணர்ந்த ஆற்றலை தலைமை சுரபிக்கு அனுப்பி விடும். தலைமை சுரபி அந்த ஆற்றலை மற்ற சுரப்பிகளுக்கு அனுப்பி விடும்.

உச்சிஷ்ட கணபதி :-

இது குறைந்தது 12 ஆண்டுகள் யோக ஞான மார்க்கத்தில் உள்ளோர்க்கு மட்டும். மற்றோரும் அறிந்துகொண்டால் சிறப்பு. நம் கோவில் சிற்பங்களின் ஞானத்தை அறிவார்கள். ஒரு நாளின் இறுதி நாழிகை அதாவது அறுபதாம் நாழிகை அல்லது பிரம்ம முகூர்த்தத்திற்கு முந்தைய நாழிகையில் பராசக்தி என்ற உயிர் எந்த ஆற்றலும் இல்லாமல் நிர்மல தன்மையோடு இருக்கும். இதையே நிர்மலா தேவி என்று சித்தர்கள் அழைப்பார்கள். அவளின் நீல நிறம் நிர்மல தன்மையையும், இருளும் வெளிச்சமும் சந்திக்கும் நேரத்தையும் குறிக்கிறது.

இந்த அபூர்வமான நேரத்தில் கணபதி என்ற சுழுமுனையை நிர்மலா தேவியாக இருக்கும் நாதத்தோடு பொருத்தி இருப்பதே உச்சிஷ்ட கணபதி என்று பொருள்படும்.

சமஸ்கிருதத்தில் உச்சிஷ்டம் என்றால் எச்சில் படுத்துதல் என்று பொருள். யோகிக்கு எச்சில் படும் இடம் வாயின் மேல் அன்னமும் நாவுமே. அதாவது இது கேசரி யோக நுணுக்கத்தில் ஒரு பரிபாஷையாகும். இவ்வாறு யோகி செய்யும் புறச் செயல் சிரசுக்குள்ளே சுழுமுனை நாடியை நீட்டி உயிரோடு தொடர்பு கொள்ளச் செய்யும்.

கீழே உள்ள படத்தில் ஒரு யானை, மரத்தில் தொங்கும் பழம் பறிக்க விரும்பும் பொழுது, அதன் தும்பிக்கையை நேராக மேல்நோக்கி நீட்டி இருப்பதை பாருங்கள். இது இடப்பக்கமும் இல்லை வலப்பக்கமும் இல்லை நேராக நீட்டி இருக்கிறது. 

  இதன் பொருள் சுழுமுனை நாடியை நேராக நீட்டி நாதம் எனும் நம் உயிரோடு யோகப் பிணைப்பு கொள்வது. இதுவே உச்சிஷ்ட யோக நுணுக்கமாகும்.

இது கேசரி யோகத்தின் ஒரு சிறப்பு நுணுக்கம். அகம் மற்றும் புறம் நுணுக்கத்தின் மூலம் நாதத்தோடு இணைதல். இந்த உச்சிஷ்ட கணபதி யோக நுணுக்கம், யோகிக்கு அரிய பல சித்திகளை தரவல்லது. ஆனால் யோகியானவர் குறைந்தது 12 ஆண்டுகள் இறைவனோடு சேர வேண்டும் என்ற வேண்டுதலோடு யோகத்தில் இருந்திருக்க வேண்டும்.

Secret yogic technique of connecting the sulumunai naadi with the empty soul particle ( naatham ).

ஞானப்பழத்தை பெற்றது எப்படி?

கணபதி என்ற சுழுமுனை நாடி,  தான் இருக்கும் இடத்தை விட்டு நகர மாட்டார். ஆனால் தான் இருக்கும் இடத்தில் இருந்து கொண்டே, தான் சாதிக்க விரும்புவதை சாதித்து விடுவார். தேவையான அளவுக்கு நீட்டிக் கொள்ளும் தும்பிக்கையின் மூலம் தாய் தந்தையரை சுழற்றி வந்து, உலகத்தையே சுற்றி வந்ததாக சொல்லி, ஞானப்பழத்தைப் பெற்றுக் கொள்வார்.  விநாயகர் மூஞ்சூறை ( முச்சுடரை ) வாகனமாகக் கொண்டவர்.   விநாயகர் ஔவைக் கிழவியை தன் தும்பிக்கையால் வளைத்துப் பிடித்து, தும்பிக்கையை நீட்டிக்கொண்டே போய், கைலாசத்தில் ஔவையாரைச் சேர்த்தாராம். இது எப்படி என்று இப்போது உங்களுக்கு புரியும் என்று நம்புகிறேன்.

நடன கணபதி நுணுக்கம் :-

கீழே, தும்பிக்கை நுனியில் சங்குடன் நடன கணபதி, மிகுந்த அபூர்வமான யோக நுணுக்கம் கொண்டது. இடதுகாலை ( இடகலையை ) சிறிது உயர்த்தி தும்பிக்கை நுனியில் சங்கை காட்டுவது, யோகிக்கு கிடைக்கும் நாத ஓசையைக் குறிக்கிறது.

வள்ளி திருமணத்தில் கணபதியின் உதவி :-

 ஆறுமுகன் என்பது தலைமைச் சுரபியை குறிப்பவர். தலைமைச் சுரபியான முருகனால் உடலில் ( உலகில் ) உள்ள அனைத்து சுரப்பிகளிலும் தனது ஆதிக்கத்தை செலுத்த முடியும், சூட்சுமமாக சுற்றிவர முடியும். ஆனால் அவரால் வாலை எனும் வள்ளியை நெருங்க முடியாது, அதற்கு சுழுமுனை நாடி என்னும் விநாயகரின் துணை தேவை.

 

நன்றி :-

ஒற்றை அணு (வாலை),  சுழுமுனை நாடி மற்றும் பிரம்மமுகூர்த்த நாழிகை பற்றிய அரிய குறிப்புகளை குருநாதர் அருளால், பாண்டிச்சேரி ஞானாலயம் நூல்களின் மூலம் நான் அறிந்துகொண்டேன்.

இப்படிக்கு அன்புடன்,

அகத்திய பக்தன்.