மாரடைப்பு - ஆன்ஜியோ - ஸ்டன்ட்

 மாரடைப்பு - ஆன்ஜியோ - ஸ்டன்ட் வைத்தல்

குருநாதர் அருளால் ஒரு அனுபவ பதிவு.

இருதய நோய்க்கான மூலிகை வைத்தியம்.

 மூலிகை வைத்தியரின் முகவரி கீழே.

அடியேன் நெருங்கிய உறவினரின் அனுபவ பகிர்வு.

 மூலிகை வைத்தியத்திற்க்கு பத்தியம் கட்டாயம் உண்டு. உப்பு புளி இனிப்பு அசைவ உணவு கூடாது. 

மூன்று அல்லது நான்கு வாரங்களுக்கு மருந்து எடுக்கவேண்டும்.

 ஆங்கில வைத்தியத்தில் பத்தியம் இல்லை. ஏனெனில் உப்புக்கு ஒரு மாத்திரை, இனிப்புக்கு ஒரு மாத்திரை, அசைவ உணவுக்கு ஒரு மாத்திரை,  இதனால் வரும் வயிற்று அல்சருக்கு ஒரு மாத்திரை,  என பல பல மாத்திரைகள். கீழே ஒரு உதாரணம் ( 70 வயது முதிய தாயார் ).

மேற்கண்ட மூலிகை வைத்தியத்திற்கு அடுத்தபடியாக "அடல் 54" என்ற ஹோமியோ மருந்தும் நன்கு வேலைசெய்யும். பக்க விளைவு இல்லாதது. உலகப் புகழ் பெற்றது. நீண்ட கால பயன்பாட்டுக்கு உகந்தது. எளிமையானது.

இயற்கை மருந்துகள் அனைவருக்கும் நன்றாகவே வேலை செய்யும். சிலரின் முந்தைய கால உணவுப்பழக்கம் மற்றும் இறுகிய கர்மவினையால் சிறிது தாமதமாக குணமாகலாம். ஆனால் இயற்கை பாதுகாப்பானது.

ஆங்கில மருந்துக்கு கர்மா என்றோ மறுபிறவி என்றோ  கவலைப்படாது. அதைப் பொருத்தவரை வாழ்வா சாவா என்பது மட்டுமே. அடியேன் எனது அனுபவத்தில் ஆங்கில மருந்தை முற்றிலுமாக தவிர்க்க இயலாது. அது தான் கலியுகத்தின் தலைவிதி. உங்கள் தினசரி வாழ்வில் ஆங்கில சொற்களை பயன்படுத்தாமல் வாழ முடியுமா? இயன்றவரை ஆங்கில மருத்துவத்தை குறைக்கலாம், அவ்வளவுதான்.

புரிதல் அவசியம் :-

 பழைய அம்பாசிடர் காரை புதிய போர்டு காராக நிச்சயம் மாற்ற முடியாது. எனினும் பழைய காரை ஓரளவிற்கு சிலகாலம் ஓடும்படி செய்ய முடியும். கொடுக்கப்பட்ட இந்த குறிப்பிட்ட சில காலமும், நீங்கள் பிறவி எடுத்தது இறைவனோடு சேரவேண்டும் ( முக்தி ) என்பதை புரிந்து கொள்வதற்காக மட்டுமே. அன்றி மீண்டும் புற வாழ்க்கையில் வயோதிகரை வீரியமாய் ஓடச்செய்வதற்காக அல்ல. இதை நன்றாகப் புரிந்து கொள்ள வேண்டும்.

நீங்கள் முப்பது வயதைக் கடக்கும் போதே கீழே உள்ள உணவுப்பழக்கத்தை கவனிக்கவும்.

உணவுப் பழக்கம்

உணவுப் பழக்கம்

 சைவமோ அசைவமோ, உங்கள் தினசரி உடல் உழைப்புக்கு ஏற்றபடி உணவு உண்ணுங்கள்.  வியர்வை சிந்த கடின உடல் உழைப்பு உள்ளோர் மட்டும் அசைவ உணவைப் பற்றி யோசிக்கலாம். ஆனால் உடல் உழைப்பு அதிகம் இல்லாதவர்கள் அசைவம் தவிர்க்கலாமே ?. 

"என் அசைவம் என் உரிமை" என்றால் இனி உங்கள் இஷ்டம்.  நாற்பது வயதைக் கடந்தவர்கள் உணவுப் பழக்கத்தை சரி செய்யாவிடில், ஒரு 10 லட்சம் ரூபாய் பணம், மற்றும் 10 நாட்கள் உடனிருந்து உங்களை கவனிக்க ஒரு ஆளை தயார் செய்து வைத்துக் கொள்ளவும். 

( இல்லத்தரசிகள், டாக்டர், இன்ஜினியர், வியாபாரி, பைனாஸ் தொழில் செய்வோர் மற்றும் ஓய்வுபெற்றோர் கவனத்திற்க்கு )

உங்கள் குடும்பத்தில் உங்களுக்கு ஒரு மரியாதையும் இருக்காது. பரிதாபம் தான்.

உழைப்பிற்கேற்ற உணவு, அல்லது உணவிற்கேற்ற உழைப்பு.

 இறைவனின் அருளை பெற்ற தூதர்களான இயேசுநாதர், முகமது நபி, சீரடி சாய்பாபா போன்றோர்கள், மாமிசம் உண்பதை  தவறாக சொல்லவில்லை. தாராளமாக மாமிசம் உண்ணலாம் என்று அறிவுறுத்தினார்கள். ஏனெனில் இவர்கள் வாழ்ந்த காலத்தில் இயல்பான அன்றாட வாழ்க்கையிலேயே அதிக உடல் உழைப்பு இருந்தது. அன்றைய காலத்தில், மிக்ஸி, கிரைண்டர், வாஷிங் மெஷின், இயந்திர வாகனங்கள் என்ற எந்த ஒரு உடல் உழைப்பை குறைக்கும் இயந்திரமும் இல்லை. அதனால் அன்றைய காலத்தில், மாமிசம் உண்பதால் எந்த  பாதிப்பும் இல்லை. ஆனால் இப்போது அன்றாட வாழ்க்கையில், உடல் உழைப்பு என்பது மிக மிக குறைந்து விட்டது. மாமிச உணவு இன்றைய பெண்களுக்கு உடலில் துன்பத்தையும், ஆண்களுக்கு உயிரில் துன்பத்தையும்  தருகிறது.

 தினசரி கடினமான உடல் உழைப்பு உள்ளவர்களுக்கு மாமிச உணவு அவசியமானது. ஆனால் போதிய உடல் உழைப்பு இல்லாதவர்களும் மாமிச உணவை உண்பதால், அதன் விலையும் கூடிவிட்டது, தரமோ குறைந்துவிட்டது.

 இதனால் அதிக உடல் உழைப்பு உள்ள மக்களுக்கு கிடைக்க வேண்டிய மாமிச உணவானது, அவர்களால் தினசரி வாங்க முடியாத விலைக்கு ஏறி விட்டது. இது மிகப்பெரிய பாவமாகும். இந்தப் பாவம், உடல் உழைப்பில்லாத, அவசியமே இல்லாமல் மாமிச உணவு உண்பவர்களையே சாரும்.

 இதனால்தான் இறைதூதர்களால் அளிக்கப்பட்ட,  யுனானி, சித்தா, ஆயுர்வேதா போன்ற இயற்கை மருந்துகள் வேலை செய்வதில்லை. ஆங்கில மருந்தையே அதிகம் உபயோகிக்க வேண்டிய கட்டாயம் ஏற்பட்டு விட்டது.

கீழ்க்கண்ட வேலைகளை கடின உழைப்பு என கருதலாம். ( தினசரி வேலை ).

( சூரிய ஒளியில் அல்லது அக்கினியில் )

 விவசாய வேலை, விறகு வெட்டுதல்,

 கல் உடைத்தல்,  கட்டிட வேலை,

 இரும்பை உருக்கி அடித்தல், 

வியர்வை சிந்த கடின உழைப்பு,

சூரிய ஒளி படும் இடத்தில் ஆட்டாங்கல், அம்மிக்கல், துவைக்கும் கல் தினசரி உபயோகிக்கும் இல்லத்தரசிகள் மற்றும் கால்நடை பராமரிப்பு.

அசைவம் உண்ணும் உங்களிடம் மேற்கண்ட ஏதேனும் ஒன்று உள்ளதா ???

மிகக் கடின உழைப்பு உள்ளோர்க்கான உணவை, நீங்கள் உண்பதை உங்கள் ஆன்மா (இறைவன்) ஏற்றுக்கொள்வாரா?

About 94 % of young patients, who suffered a heart attack, were non-vegetarians, according to a report released by Sri Jayadeva Institute of Cardiovascular Sciences and Research.

more information in below article.

https://www.google.com/amp/s/www.deccanherald.com/amp/state/top-karnataka-stories/94-of-youths-surveyed-for-heart-attack-non-vegetarians-764612.html

அதிக உடல் உழைப்பு இல்லாத பெண்கள் மாதவிடாய் இருக்கும்வரை இதய ஆபத்து வெளியே தெரியாது. மட்டன் பிரியாணியோ சிக்கன் வறுவலோ வெலுத்துக்கட்டலாம். ஆனால் இதயவலி ஆபத்து, மாதவிடாய் நின்றபின்தான் தெரியும். எதற்கும் ஒரு பத்து லட்சம் ரூபாய் ரொக்கமாகவோ அல்லது மருத்துவ காப்பீடோ எப்போதும் தயாராய் வைத்துக்கொள்ளுங்கள் தாய்மார்களே.

50+ வயது பெண்கள் இறைச்சி சாப்பிட்டால் இதய நோய் வரும்.

இதுபற்றிய கட்டுரை கீழே.

https://www.google.com/amp/s/www.vikatan.com/amp/story/health/healthy/72823-do-50-year-old-and-above-aged-women-face-heart-disease-risk-if-they-eat-meat-regularly

இப்படிக்கு

அகத்திய பக்தன்.

போராளி

 போராளியின் வரவு

 கலிஎல்லை என்னும் இந்த கொடிய காலத்தில், கார்த்திகேயன் எனும் போராளி இல்லத்திற்கு வருகை தரட்டும்.

பிள்ளைகள் தின்னும் புழக்கடை முனியான, அலைபேசி விளையாட்டுகளும் பயனற்ற கார்டூன் படங்களிலிருந்து குழந்தைகளைக் காக்க ஒரு போராளி வரட்டும்.

அல்லற் படுத்தும் அடங்கா முனியான,  மெகா சீரியலில் இருந்து மூத்த பெண்களை காக்க ஒரு போராளி வரட்டும்.

கொள்ளிவாய்ப் பேய்களும், குறளைப் பேய்களும் பெண்களைத் தொடரும் பிரமராட் சதரும் போன்ற  பேஸ்புக் வாட்ஸ்அப் இன்ஸ்டாகிராம் சமூக வலைதளங்களில் இருந்து இளம் பெண்களை காக்க ஒரு போராளி வரட்டும்.

நகமும் மயிரும் நீண்முடி மண்டையும் பாவைகளுடனே பலகல சத்துடன் மனையிற் புதைத்த வஞ்சனை தனையும் போன்ற நவீன அழகு சாதன பொருட்கள், நவீன உடைகள் மற்றும் அழகு சாதன யூடியூப் சேனல்களில் இருந்து பெண்களை காக்க ஒரு போராளி வரட்டும்.

காசும் பணமும் காவுடன் சோறும் ஓதும் அஞ்சனமும் ஒருவழிப் போக்கும் ஆன  வட்டித் தொழில், ஷேர் மார்க்கெட் மோகத்தில் இருந்து ஆண்களை காக்க ஒரு போராளி வரட்டும்.

விட்டாங் காரரும் மிகுபல பேய்களும் தண்டியக் காரரும் சண்டாளர்களும் ஆன  அரசியல் மற்றும் சினிமா செய்திகளிலிருந்து அனைத்து மக்களையும் காக்க ஒரு போராளி வரட்டும்.

சரணம் சரணம் சரவண பவ ஓம் சரணம் சரணம் சண்முகா சரணம்.

 இரகசியம் கண்டுபிடி

மனோ தத்துவத்திற்கான எனது மானசீக குரு சிக்மண்ட் பிராய்டின் ஆய்வைப் பற்றி நான் படிக்கும்போது எனக்கு ஒரு யோசனை வந்தது.  கீழே உள்ள 25 கேள்விகளுக்கு பதிலை கண்டுபிடிக்க முயற்சி செய்தால் இரகசியம் புலப்படும்.

நீங்கள் என்ன பதிலைத் தேர்ந்தெடுத்தீர்கள் என்பதில் எனக்கு ஆர்வம் இல்லை. நீங்கள் பதிலை யோசிக்கும்போதே உங்கள் புறமனதிற்க்கும் ஆழ்மனத்திற்கும் நடுவே ஒரு சிறு சமிக்கை பாயும் என நம்புகிறேன்.

 சரி தவறு என கவலைப்படாமல் இயன்றவரை முயற்சி செய்யுங்கள். பதிலைக் கண்டுபிடிக்க முயற்சிக்கும் போது நமது ஆழ்மனத்தின் தாக்கத்தை உணர ஒரு ஆய்வுப் பதிவு.

1) ஆழ்மனத்தின் நோக்கம் என்ன?

A) கேள்வி புரிகிறது. பதிலை யூகிக்க முடிகிறது.

B) கேள்வி புரிகிறது. ஆனால் பதிலை யூகிக்க முடியவில்லை.

C) கேள்வி புரியவில்லை.

D) கருத்து தெரிவிக்க விருப்பமில்லை

2) மனிதருக்கு ஆழ்மனம் ஏன் தேவைப்படுகிறது?

3) ஆழ்மனதிற்கும், வெளி மனத்திற்கும் என்ன வேறுபாடு?

4) ஆழ்மனம் & வெளிமனம் இரண்டில் எது உயர்ந்தது? எது தாழ்ந்தது? ஆற்றல் வாய்ந்தது எது?

5) உயர்ந்தது தாழ்ந்ததை கட்டுப்படுத்த வேண்டுமா? அல்லது தாழ்ந்தது உயர்ந்ததை கட்டுப்படுத்த வேண்டுமா? எது சரி? சிங்கத்திற்க்கு பூனை உத்தரவிட முடியுமா? ஆழ்மனம் பற்றி நீங்கள் யூடூப்பில் பார்த்த போதனைகள் சாத்தியம்தானா?

6) நல்ல மனம் கொண்டவர்கள் நல்லவர்கள், தீய மனம் கொண்டவர்கள் தீயவர்கள்.  எனில், நல்ல ஆழ்மனம் & தீய ஆழ்மனம் என்ற இரண்டு வகை உள்ளதா?

7)  நமது ஆழ்மனம் வாழ்வின் அனைத்தையும் பதிவு செய்து கொண்டே இருப்பதன் நோக்கம் என்ன? ஏன்?

8) உங்கள் ஆழ்மனத்தில் உள்ள 100% தகவலையும் உங்களால் கண்டறிய இயலுமா?

9) உங்களாலேயே (உங்கள் வெளிமனத்தால் ) கண்டுபிடிக்க முடியாத ஒன்று, உங்களுக்குள்ளேயே இருப்பதன் நோக்கம் என்ன?

10)  ஆழ்மனம் எந்த நேரத்தில் வெளிப்படும்? எதற்காக வெளிப்படும்?

11) ஆழ்மனம் தனது நோக்கத்தை, வாழ்நாள் முழுமைக்கும் நிறைவேற்ற முடியாத பட்சத்தில், என்ன நடக்கும்? ஆழ்மனம் மரணித்து விடுமா?

12) புரோட்டான் நியூட்ரான் எலக்ட்ரான் இதில் ஆழ்மனம் எந்த வகையைச் சார்ந்தது ?

13) ஆழ்மனம் செயல்படும் பொழுது மூளையின் நரம்பணுக்களில் என்ன வகையான தாக்கம் இருக்கும்?

14) மேற்கண்ட தாக்கம், ஓசை அல்லது அதிர்வாக இருக்குமா?

15) இந்த மூளை அதிர்வை, EEG அல்லது MRI ஸ்கேனில் அளக்க முடியுமா? (ஆல்பா பீட்டா காமா தீட்டா ).

16)  ஆழ்மனம், கர்மா(தலைவிதி), கனவு மூன்றையும் ஒப்பிட்டு ஆய்வு செய்ய முடியுமா?

17) ஆழ்மனம் ஆண்பாலா? பெண்பாலா?

18)  ஆழ்மனத்திற்கும் ஆன்மாவிற்கும் உள்ள தொடர்பு என்ன?

19) ஆழ்மனமும் சூச்சும சரீரமும் ஒன்றா? வேறுபட்டதா?

20)  உங்கள் ஜாதகத்தின் நெருங்கிய தொடர்பு ஆழ்மனத்தோடா? அல்லது புறமனத்தோடா?

21) ஆழ்மனத்தால் உங்கள் கர்மவினைகளை எளிதில் வேகமாக கடக்கமுடியும். எனில், கீழ்கண்ட எந்த வேண்டுதல் மிகவும் சரியானது?

    A) இறைவா! உன் பாதத்தோடு விரைந்து சேரவேண்டும்! என்ற வேண்டுதலோடு தன் அன்றாட கடமைகளை செய்துகொண்டு வாழ்வது.

    B) இறைவா! எனது துன்பத்தைப் போக்கி இன்பமான வாழ்வைத் தரவேண்டும்.

    C) இறைவா! எனது வாழ்வில் துன்பமோ நஷ்டமோ வரவே கூடாது. எப்போதும் பணமும் செல்வமும் இலாபமும் நிறைய கிடைக்க வேண்டும்.

22) ஒருவர் ஆழ்மனம் / ஜாதகப்படி, வாதாடுவதில்  சிறந்த வல்லமை கொண்டவர். அதாவது மிகச்சிறந்த வக்கீலாக உருவாக வேண்டியவர்.  ஆனால் புறமனத்தின் தாக்கத்தால் வலுக்கட்டாயமாக அவர் ஒரு டாக்டராகவோ அல்லது இன்ஜினியராகவோ வந்தால் என்னவாகும்? அவர் அத்துறையில் சராசரியா? அல்லது பிரகாசிப்பவரா?

23)  கீழ்கண்ட கோட்பாடுகளைக் கொண்டவர்கள், ஆழ்மனம் சார்ந்தவரா? அல்லது (வெளி) மனம் சார்ந்து வாழ்பவரா? 

      A) "இருப்பது ஒரு வாழ்க்கை, இதில் என்ன பெரிதாக?" 

     B) "வாழ்க்கை வாழ்வதற்கே! Enjoy"

      C) சினிமா நடிகர்களை தனக்கு முன் உதாரணமாக ஏற்பவர்.

      D) தனது மனம் சொல்வதெல்லாம் சரிதான். தான் என்பது தன் மனமே, என நம்புபவர்.

      E) தனக்கு ஆன்மா என்று ஒன்று உள்ளது. தான் என்பது தன் ஆன்மாவே, என நம்புபவர்.

      F) தனது மனதின் நோக்கமும், தனது ஆன்மாவின் நோக்கமும் வேறுபட்டது- என நம்புபவர்.

      G) தனது ஆன்மாவை உணரும் முயற்சியை வெருப்பவர், பயப்படுபவர், புறக்கணிப்பவர். ( தன் ஆன்மா இருக்கும் இடத்தை 10 நிமிடங்கள் கூட கவனிக்க இயலாதவர்கள் / சளித்துக்கொள்பவர்கள் ).

      H) லைப் ஸ் வெரி ஷார்ட் நண்பாஆல்வேஸ் பி ஹாப்பி.

      I) அதிகம் கவலைப்படுபவர். தான் விரும்புவது நடக்காவிடில் கவலை /  கோபம் / அழுகை.

24) மகாபாரதத்தில் : துரியோதனனுக்கு ( வெளிமனம் / அறிவு ) எப்போதும் எப்படியேனும் ஜெயிப்பதிலேயே குறிக்கோள்.

அர்ஜுனனுக்கு (  ஆழ்மனம் / உயிர் ) எப்போதும் தன் இறைவன் கண்ணபிரான் அருகில் இருப்பதிலேயே குறிக்கோள். வெற்றி தோல்வி, இன்பம் துன்பம் என்பதில் கவனம் இல்லை.

எனில் ஜெயிப்பவர் யார்? அர்ஜுனனை எப்படியேனும் ஜெயிக்கவைப்பதில் யாருக்கு முழுப் பொறுப்பு?

இதில் நீங்கள் யார்?

25) போராட்டத்தில், தன்னை உடலாய் உணர்பவன், தான் மரணித்துவிடக்கூடாது என்ற சிறப்பு கவனம் அல்லது பயத்தோடு போராடுவான். தன்னை உயிராய் உணர்பவன் ( கிருஷ்ணர் அர்ஜுனருக்கு உணர்த்தியது ), மரணத்திற்க்கு பயமில்லாது போராடுவான். எனில், யார் பலம் அதிகம்?

என்ன? இந்தக் கேள்விகள் குழப்பமாக உள்ளதா? இந்த கேள்விகள் அவசியம்தானா என்று தோன்றுகிறதா?

 உங்களுக்காக ஒரு எளிய குறிப்பை, குருநாதரின் அருளால் தருகிறேன். அதன்மூலம் பதிலை அறிய முயற்சி செய்யுங்கள்.

 "ஆழ்மனம் தனது அக உலகின் நோக்கத்திற்காக புற உலகில் செயல்படுகிறது. 

புற உலகின் செயல்பாட்டிற்கு வெளிமனம் தேவைப்படுகிறது.

எனில் யார் முதலாளி, யார் தொழிலாளி? 

பொறுப்பு மாறிப்போனால் வரும் ஆபத்து என்ன ?

".

உங்கள்,

அகத்திய பக்தன்.

விண்ணைத் தாண்டி வரத்தான் வேண்டுமா ?

 சென்ற ஆண்டு விண்ணைத்தாண்டி வருவாயா? என்ற எனது முந்தைய பதிவில் இந்த கலியுக எல்லைக் காலகட்டத்தில், ஏன் நல்ல சூழலில் வாழ தகுதியான குழந்தைகள் பிறப்பது இல்லை, என்று எழுதியிருந்தேன். இதைப் படிக்காதவர்கள் இப்பதிவுக்கு சென்று படித்துவிட்டு வரலாம். 

முன்பு சமூகத்தால் ஏற்றுக் கொள்ளப்படாத ஒரு விஷயம் இப்போது ஏற்றுக் கொள்ளப்படுகிறது, எனில் அந்த விஷயம் பெருகிக் கொண்டிருக்கிறது என்று தானே பொருள்?  என்னடா பொடி வைத்து எழுதுகிறேன், என பதட்டப்பட வேண்டாம். இந்த பதிவில் வரப்போகும் பிரச்சனைக்கு நல்ல தீர்வு இப்பதிவின் இறுதியில் உள்ளது. நீங்களும் என்னைப்போல் ஒரு ஆய்வு மாணவனின் மனநிலையில் இப்பதிவை தொடர்ந்து படியுங்கள். இந்த வாரம் வந்த ஒரு செய்தி கலியுக எல்லைக்கான காலகட்டத்தை ஆழமாக யோசிக்க வைத்தது. அந்த செய்தி, உலகின் பல பெரிய நிறுவனங்கள் ( இந்தியா உட்பட ) மாற்று பாலினத்தவர்களின் தகுதிக்கு ஏற்ப வேலை வாய்ப்பு தர முடிவு செய்து இருக்கிறது. இதை முக்கியமாக மென்பொருள் நிறுவனங்களில் பணிபுரிவோர் நன்கு புரிந்து கொள்வார்கள். இதுவரை பெரும்பாலும் சமூகத்தால் நிராகரிக்கப்பட்டவர்கள் இனி படிப்படியாக சமத்துவம் பெறுவார்கள். இது உண்மையில் வரவேற்கக் கூடிய விஷயம் தான். ஆனால் இதன் பின்புலமாக இருக்கும் செய்தி, அதாவது இறைவன் நமக்கு கொடுக்கும் செய்தியை நாம் யோசித்துப் பார்க்க வேண்டும். நமது தனிப்பட்ட ஆய்வை பார்ப்பதற்கு முன் சமூக வலை தளங்களில் இதைப் பற்றிய ஆய்வுகளை முதலில் கீழே உள்ள ஸ்க்ரீன்ஷாட் களின் மூலம் படித்துக் கொள்வோம். அப்போது தான் தற்போதைய நிலை உங்களுக்கு நன்கு புரியும்.

உலகளவில் நிலவரம்

பாரத தேசத்தின் நிலவரம்

எண்ணிக்கை. மாற்றுப்பாலினத்தில் முக்கியமாக திருநங்கைக்கான சாத்தியக்கூரே அதிகம்.

சுற்றுப்புற சூழல்

வருத்தமாக உள்ளது 😒

 இந்த செய்திகளை படித்த உடன் உங்களுக்கு ஏளனமாகவும் வெறுப்பாக தோன்றுகிறதா? தயவுசெய்து அவ்வாறு எண்ணாதீர்கள். இப்போது வளர்ந்து கொண்டிருக்கும் தலைமுறை மிகவும் மோசமான சூழலில் தான் வாழ வேண்டியிருக்கும், என்பதை நாம் முன்பே பார்த்திருக்கிறோம். இதில் முக்கியமான விஷயம் என்னவெனில் நாம் அடுத்த பிறவியில் பிறக்கப்போகும் சூழல்தான். அதைப்பற்றி இப்போது நான் ஏன் கவலைப்பட வேண்டும், என்கிறீர்களா? அட! உங்கள் பேரன் பேத்திக்கு யார் குழந்தையாக பிறப்பார்கள்? வேறு யார், நீங்கள் தான்!!. இது காதில் பூ சுற்றுவது போல் தோன்றுகிறதா? உங்கள் மருத்துவரிடம் சென்று உங்களுக்கு அடிக்கடி வரும் நோயின் மூல காரணம் என்ன? என்று கேட்டால், அதற்கு அந்த மருத்துவர் கூறும் பதில் "உங்கள் முன்னோருக்கு அந்த நோய் இருந்து இருக்கும்" என்பார். இந்த பதிலை நீங்கள் ஆழ்ந்து யோசித்தால் இந்த மறுபிறப்பு விஷயம் உண்மைதான் என்று உங்களுக்கே தெரியும்.

 சரி, இந்த மாற்றுப் பாலின சமூகம் அதிகமாவதற்கு மூலகாரணம் என்ன? பெண்மையை ( பெண்களைத்தான் ) எண்ணம், சொல், செயலால் நாம் இழிவு படுத்தியதே ஆகும். எங்கே, உங்கள் மனசாட்சிக்கு பொதுவாக ஒரு உண்மையை சொல்லுங்கள். நீங்கள் அன்றாடம் பார்க்கும் பெண்களை எத்தனை முறை இழிவாக எண்ணியிருக்கிறீர்கள்? உங்கள் குழந்தைகள் (2000மாம் வருடத்திற்கு மேல் பிறந்தவர்கள்- 2K ), அலைபேசி என்னும் கலியுக மாயக் கருவியில் அடிக்கடி பார்க்கும் ஆபாச வக்கிர காட்சிகள் எத்தனை எத்தனை? இப்படி பெண்மையை இழிவு செய்யும் எண்ணங்கள் ஆழ்மனதில் பதிந்து, அதுவே நம் குழந்தைகளின் ( 2K தலைமுறை ) மரபணுக்களில் ஆழமாக பதிந்து விட்டது. இனி இவர்களுக்குப் பிறக்கும் அடுத்த தலைமுறை என்ன லட்சணத்தில் இருக்கும்? இவர்கள் பத்து வயதிற்கு மேல் மாற்றுபாலினமாய் மாறப் போகிறார்கள் என்பதை, எந்த இரத்தப் பரிசோதனையில் கண்டுபிடிப்பது? இனி இதற்கும் ஒரு மரபணு தடுப்பூசி கண்டுபிடிப்பார்கள்.

பெண்மையை, எண்ணம் சொல் செயலால் இழிவு செய்த ஆன்மாக்கள் இனி மாற்று பாலினமாய் பிறந்து அந்த பெண்மையையே உணரும். இதைத்தான் சார் கர்மா என்கிறோம். நாம் கொளுத்த வேண்டிய மடமை தான் இனி மாற்று உடையில் வலம் வரும். இதை பார்ப்பதற்காகவே நீங்கள் அதிக நாட்கள் உயிர் வாழ்வீர்கள். அது தான் கொடுமை.

 

கர்மாவின் பார்வையில்...

 முந்தின பிறவியில் குரங்குகளுக்கு அதிகமாய் துன்பத்தை கொடுத்தவர் குரங்காய்  மாறுகிறார்.

 பெண்களை அதிகமாக அவமானப்படுத்தி துன்பத்தை கொடுத்தவர் பெண்ணாகவே மாறுகிறார் திருநங்கையாக.

 தான் திறமையாக செயல்படுகிறோம் என்ற நினைப்பில் தனக்கும் தனது வம்சத்திற்கும் கர்மாவை சேர்ப்பவரே பலர் இன்று.

 

 ஆண் குழந்தைகளின் நிலை இதுவென்றால், பெண் குழந்தைகளின் நிலை வேறுவிதமான கொடுமைதான். ஒழுக்கமுள்ள வாழ்க்கையிலோ அல்லது பிரம்மச்சரியத்திலோ நம்பிக்கை இருக்காது. மாறாக ஒழுக்கமற்ற சமூக அமைப்பில் அவர்கள் மெல்லமெல்ல இணைவார்கள். கலிபுருஷ பகவானின் உத்தரவிற்கு இணங்க ஒரு இரண்டு எழுத்து வடஇந்திய ஞானி, முன்பே ஒரு ஒழுக்கமற்ற சமூக அமைப்பை உருவாக்கி விட்டார் அடுத்த தலைமுறைக்கு வழிகாட்டவே. இந்த ஒழுக்கமற்ற தத்துவத்தையே பேரின்ப தத்துவமாக மத்தியில் வைத்து சக்கரவியூகமாய், அதற்கு பாதுகாப்பாக கணக்கில்லாத பல பல தத்துவங்களை சாமர்த்தியமாக அடுக்கி வைத்து விட்டார். 

 நீங்கள் சக்கர வியூகத்தின் மத்தியிலுள்ள பேரின்ப தத்துவம் தவறு, என்றால் அவர் சுற்றிலும் அடுக்கப்பட்ட ஜென் தத்துவங்களை பார்க்கலாமே!! என்பார். சரி, அவர் அடுக்கிய ஜென் தத்துவங்களுக்கு அடுத்தபடியாக என்ன உள்ளது சாமி? எனக் கேட்டால், உடனே அவர் "சக்கர வியூகத்தின் மத்திக்கு வா... சொல்கிறேன்" என்பார். சக்கர வியூகத்தின் மத்திக்கு செல்வோர் மீண்டு வரவே முடியாது.

முந்தைய தலைமுறையினர் ( 1990 க்கு முன்னர் பிறந்தவர்கள் ) இந்த ஞானியின் ஜென் தத்துவங்களை மட்டும் ஏற்கிறேன். சக்கர வியூகத்தின் மத்தியில் இருக்கும் பேரின்ப தத்துவத்தை நான் ஏற்கவில்லை!, என்ற தெளிவில் இருப்பார்கள். அதாவது, எது நல்லது? எது கெட்டது? என பிரித்து உணரும் தன்மையோடு இருப்பார்கள். ஆனால் இந்த நடப்பு தலைமுறை ( 2000 க்கு மேல் பிறந்த கலியுக எல்லை மனிதர்கள் ) உங்களைப் போல், நல்லது கெட்டது என பிரித்து உணரும் தன்மையை தலைகீழாய் புரிந்து வைத்திருப்பார்கள். இந்த தலைமுறைக்கு தந்தையான நீங்கள், அந்த இரண்டெழுத்து ஞானியின் அபிமானி என்றால், அதுவே இன்னும் சாதகமாய் போய்விடும். ஏனெனில் இந்த குழந்தைகளின் மனதில் அந்த ஞானியின் படம் நன்கு பதிந்து இருக்கும். கிராம வாழ்க்கையில் உள்ள குழந்தைகளும் தப்பிக்க முடியாது. அலைபேசியின் ஆதிக்கம் எங்கும் பரவியுள்ளது. 

சரி! இப்போது தீர்வுதான் என்ன? இதையெல்லாம் சரி செய்து, இனிவரும் காலத்தில் நமது தலைமுறை நன்கு வாழும் என நம்புகிறீர்களா?  இனி நேரடியாகவே விஷயத்திற்கு வருவோம். நீங்களும் நானும் பிறவாமையை வேண்டுவதே நமது அடுத்த சந்ததிக்கு நாம் செய்யும் மிகப்பெரிய உதவி. இன்னும் வெளிப்படையாக சொல்ல வேண்டுமெனில் இந்த கலியுக எல்லையான பாதாள காலத்தில், அடுத்த சந்ததியினருக்கு குழந்தைப்பேறு இல்லாமல் போவதே சிறப்பு. அப்படி எனில் "நாமும், நமது அன்புக்குரிய உற்றார் உறவினரும், அவரவர் பிறவி கர்மாவில் இருந்து விரைந்து விடுபட்டு இறைவனோடு சேர வேண்டும்" என்று தினமும் வேண்டுவதே மிகவும் உயர்ந்த பிரார்த்தனையாகும். இது தானாகவே நடக்காது, நாமே மனமுருகி பிரார்த்தனைகளை தினமும் இறைவனிடம் வைக்க வேண்டும். இந்த வேண்டுதலோடு, நமது தினசரி கடமைகளை செய்து கொண்டு இருப்பதே உத்தமம். இந்த ஆய்வும், இந்த வேண்டுதலும் இப்போது முட்டாள்தனமாக தெரியலாம், ஆனால் விரைவில் புரியும். நம் சித்தர்களும் சமீபத்திய ஜீவநாடி பொதுவாக்குகளில் வெளிப்படையாய் சொல்லக் கூசி, மறைமுகமாய் வண்டி வண்டியாய் இன்றய மனிதகுலத்தை திட்டி விளாசுகிறார்கள்.

 ஒரு குறிப்பிட்ட சமூகத்தின் மக்கள் தொகை இப்போது குறைந்து கொண்டே போகிறது எனில் அந்த சமூகத்தின் "ஒட்டுமொத்த கர்மா குறைகிறது" என்று பொருள். எந்த சமூகத்தின் மக்கள் தொகை கூடிக் கொண்டே போகிறதோ, அதுவே அடுத்து வரும் பாதாள யுகத்தின் தலைமுறையினர். இனி நீங்களே பாரத தேசத்தை ஆராய்ந்துகொள்ளுங்கள்.

 அடியேன் நான் எனது தினசரி பிரார்த்தனையை கீழே தனிப்பதிவாக எழுதியுள்ளேன். உங்களுக்கு சரி என்று தோன்றினால், நீங்களும் அவ்வாறு செய்யலாம்.

பொறுப்புள்ள தந்தையின் வேண்டுதல்.

http://fireprem.blogspot.com/2022/03/blog-post_20.html?m=1

இந்த பதிவின் இறுதியாக என் மகள்களில் ஒருத்தி பேசிய பேச்சை கீழே இணைத்துள்ளேன். கேட்டு உணருங்கள்.

 இப்படிக்கு உங்கள்,

 அகத்திய பக்தன்

இறைவனிடம் இறைவனையே கேள் !!!

பெரிதினும் பெரிது கேள் !

திருமணத்திற்கு முன்பு 2003-ஆம் வருடம் முதன்முறையாக திருப்பதிக்கு புனித யாத்திரையாக பழனியிலிருந்து எனது சகோதரனுடன் சென்றேன். அன்றைய நிலையில் எனது உறவுகாரர்கள் யாரும் எனக்கு பெண் கொடுக்க தயாராக இல்லை.  தெரிந்த பெண்களின் மனதைக் கவரும் காதல் சாமர்த்தியமும் இல்லை.

 தனியார் நிறுவனத்தில் மிகக் குறைந்த சம்பளம். தந்தை வழியோ அல்லது தாய் வழியோ எந்த சொத்தும் இல்லை.    திருப்பதி எம்பெருமானிடம் வரம் கேட்க என்னிடம் எத்தனையோ பிரார்த்தனைகள் அப்போது இருந்தது. ஆனால் கருவறையை நெருங்கி எம்பெருமான் தரிசனம் கிட்டிய உடனே பெரும் ஆச்சரியம். அங்கே சிலை இல்லை, மாறாக ஜீவனாய் ஒருவர் புன்னகையுடன் நின்று என்னை பார்த்தார். கண்களின் அடக்கமுடியாத வெள்ளமாய் கண்ணீர் பெருக்கெடுத்தது. பல ஜென்மங்கள் பிரிந்த என் தாயை கண்டது போல் உணர்ந்தேன். ஏன் இவ்வளவு காலம் என்னை பிரிந்து தவிக்க விட்டாய் தேவா? என செல்லக் கோபமும் வந்தது. 

அனைவரையும் ஜருகண்டி சொல்லி தள்ளி விட்டவர், ஏனோ என்னை மட்டும் எம்பெருமான் முன் நிறுத்தி விட்டார். அதிசயம். எம்பெருமானின் மீதிருந்து பாய்ந்து வந்த ஜோதி வெள்ளத்தில் நான் மூழ்கி இருந்தேன்.  என்ன வேண்டும் உனக்கு? என புன்னகையிலேயே எம்பெருமான் என்னிடம் கேட்டார். நான் சிறிதும் தயங்காமல் உடனே "என் தாயான எம்பெருமானே! எனக்கு நீங்களே வேண்டும், அதுவும் உடனே வேண்டும்." என உறுதியாகக் கெஞ்சிக் கேட்டேன். மீண்டும் மீண்டும் அதையே சொல்லிக் கொண்டு வெகு நேரம் அழுது கொண்டிருந்தேன். 

நான் எனது வேண்டுதல்கள் அனைத்தையும் மறந்து விட்டு, ஏன் நான் எம்பெருமானையே கேட்டேன் என்பது எனக்கே புரியவில்லை. எனது முந்தைய பதிவுகள் பலவற்றிலும் இலைமறை காய் மறைவாய் சொன்னதை, இந்த பதிவில் வெளிப்படையாகவே சொல்கிறேன். அந்த வருடம் 2003இல் நான் ஒருவேளை மரணித்தால் தான் எம்பெருமானோடு சேர முடியும் என்றால் உடனே எனக்கு அந்த மரணம் வேண்டும் என்றே விரும்பினேன். ஆனால் என் மனதில் சிறிதும் சோகம் இல்லை. மாறாக அளவு கடந்த உற்சாகம் இருந்தது. புதிதாய் பிறந்ததாய் உணர்ந்தேன்.

 எம்பெருமானின் தரிசனத்திற்கு பிறகு, சரியாக மூன்று மாதத்தில் என் ஜாதகத்திற்கு பொருத்தமான பெண்ணோடு திருமணம் நிச்சயிக்கப்பட்டது. 2004ல் திருமணத்திற்குப் பிறகு சரியாக மூன்று மாதத்தில் நல்ல சம்பளத்தில் வேறு வேலை கோவையில் கிடைத்தது. இதிலிருந்து மூன்று மாதத்தில் மனைவி கருவுற்றாள், 2005இல் எங்களுக்கு முதல் பெண் குழந்தை பிறந்தது. இந்த நிகழ்வுகளை விரிவாக எனது முந்தைய பதிவான "பொன்மகள் வந்தாள்... (click link)" என்று பதிவு எழுதியுள்ளேன். விரும்புவோர் சென்று படிக்கவும்.

 2008ஆம் வருடம் எனது முதல் மரண அனுபவத்தை (click link) முந்தைய பதிவில் எழுதியுள்ளேன். 2012ஆம் வருடம் இரண்டாவது பெண் குழந்தை பிறந்தது. 2015 ஆம் வருடம் ஜெர்மனியில் குருநாதர் ஆட்கொண்டு அருளிய இரண்டாவது மரண அனுபவத்தையும் (click link) பதிவாக எழுதியுள்ளேன். 2003ஆம் வருடத்திலிருந்து 2015ஆம் வருடம் வரை 12 ஆண்டுகள் தீவிர விஷ்ணு பக்தனாக இருந்த நான், ஈசனுக்குச் சமமான குருநாதரின் பாதத்தைத் தொழும் சிவபக்தனாக மாறிவிட்டேன். 

இதை எப்படி என் மனைவியிடம் புரிய வைப்பது? நம்புவாளா? என எனக்கு சிறிது வருத்தமாக இருந்தது. எனினும் ஜெர்மனியிலிருந்து கிளம்புவதற்கு ஒரு மாதத்திற்க்கு முன், என் மனைவியிடம் மேலோட்டமாக குருநாதரை பற்றி அலைபேசியில் சொன்னேன். அவள் அதற்கு எந்த பதிலும் சொல்லவில்லை. ஜெர்மனி விமான நிலையத்தில் இருந்து கிளம்பும் முன், மனைவியிடம் "நான் வந்து கொண்டிருக்கிறேன்" என்றேன். அதற்கு அன்னவள் "நீங்கள் வீட்டிற்கு வரும் பொழுது ஒரு ஆச்சரியம் காத்திருக்கிறது" என்றாள். 

நான் அந்த ஆச்சரியம் என்னவாக இருக்கும்? என விமான பயணத்தில் யோசித்தேன். சரிதான்! ஒரு இளம் வயது மனைவி தன் கணவனை வெகு காலம் கழித்து பார்க்கும் பொழுது அவள் ஏதேனும் காதல் பரிசு வாங்கி வைத்திருப்பாள், அதுதான் அந்த ஆச்சரியமாய் இருக்கும், என்று நினைத்தேன். 

வீட்டிற்குள் நுழைந்தவுடன் உண்மையில் ஆச்சரியத்தில் உறைந்து போனேன். நான் எந்த குருநாதரை பற்றி, எப்படி என் மனைவியிடம் சொல்ல போகிறேன், என வருத்தப்பட்டேனோ, அந்த குருநாதர் சிவாம்சமாய் அமர்ந்த நிலையில், பெரிய படமாக தயாரித்து பிரேம் போட்டு வரவேற்பறையில் மாட்டி இருந்தாள். கீழே உள்ள அணையா விளக்கு என் மனைவியின் முற்பிறவி சகோதரர் அன்பளிப்பாய்க் கொடுத்தது.

சிவசிவா! இதுவே குருநாதரின் பேராற்றல்! என வியந்து போனேன். "சரி, நீ குருநாதரிடம் என்ன வேண்டினாய்?" என நான் அவளிடம் கேட்டேன். அதற்கு அவள் சொன்ன பதில் மீண்டும் என்னை வியப்பில் ஆழ்த்தியது. அவளும் "குருபாதமே எனக்கு வேண்டும்! அவர் பாதமே தொழவேண்டும், என என்னையும் அறியாமல் வேண்டி விட்டேன்" என்றாள். இது போதாதா? இப்பிறவியிலேயே முக்தி நிச்சயக்கப்பட்ட ஆன்மா என்பதால், குருநாதர் உடனே கர்மாவை விரைந்து நீக்கும் பொத்தானை சட்டென அழுத்தி விட்டார். அதன்பிறகு அவளுக்கு இதுதான் நோயின் பெயர்! என சொல்ல முடியாத அளவிற்கு, பல விதமான நோய்கள், தலை முதல் கால் வரை தொடர்ந்து வந்த வண்ணம் வேதனையைத் தந்து கொண்டே இருந்தது. அதற்குத் தோதாக அவளுக்கு சனி திசையும் ஆரம்பித்துவிட்டது. நானும் பல மருத்துவமனைகளுக்கு அலைவதே எனக்கு அன்றாட வாழ்க்கையாக இருந்தது. இந்தப் பதிவை கூட அடியேன் நான் ஒரு மருத்துவமனையில் நரம்பு மருத்துவருக்காக காத்திருக்கும் நேரத்தில் தான் எழுதிக் கொண்டிருக்கிறேன். நான் என் மனைவியிடம், கர்மாவை குருநாதர் வெளியேற்றிக் கொண்டிருக்கிறார்! கலங்காதே கண்மணியே! இதுவும் கடந்து போகும்! குருநாதரின் பாதத்தை அணு அளவும் விடாதே! என தைரியம் சொல்லி காலத்தைக் கடத்துகிறேன்.

 அசைவ உணவு உண்ணும் சமூகத்தில் பிறந்து வந்ததால், மீண்டும் அந்த அசைவ உணவை உண்டால் நோய்களின் தன்மைகளைக் குறைக்கலாம், அதனால் நீ அசைவ உணவை மீண்டும் மருந்து போல் உண்டு பார், என்றேன். ஆனால் அவளுக்கு அதில் சம்மதம் இல்லை. அசைவ உணவை உண்டால் தான் குணமாகும் எனில், அப்படி ஒன்றும் இங்கே வாழ வேண்டாம்! என உறுதியாய் சொல்லி விட்டாள். கர்மாவின் வலி வேதனை ஒருபக்கம் இருந்தாலும், குருநாதர் எங்களை அனாதையாய் தவிக்க விடவில்லை. குருநாதர் தன் மைந்தரான மானாமதுரை சக்தி மடாலய தர்மதெய்வத்தின் பார்வையில் எங்களை வைத்து ஆறுதல் அளித்தார். மேலும் அவளின் முந்தைய பிறவி சகோதரரையும் காட்டி அரவணைத்தார். முக்கியமாக இந்த கலியுக எல்லையில் நான் கற்றுத் தேறவேண்டிய பாடங்களை "பாண்டிச்சேரி ஞானாலயம்" மூலம் எனக்கு அருளிச்செய்தார்.

 கடந்த 10 ஆண்டுகளில் உலகின் பல நாடுகளுக்கும் குருநாதர் என்னை பணி நிமித்தமாக பயணிக்கச் செய்தார். இதன் மூலம் நான் முந்தைய பிறவியில் எந்தெந்த நாடுகளில் பிறந்து, எவ்வளவு செல்வத்தை அங்கே சேர்த்து வைத்திருந்தேனோ, அவை அத்தனையையும் அங்கேயே சென்று அதை மீட்டு, மீண்டும் தாய் நாட்டிற்கே கொண்டு வரும்படி செய்தார். குடும்பத்திற்கான அத்தியாவசிய கடமைகளையும் செய்ய வைத்தார். இரண்டு மகள்களையும், அவர்கள் விரும்பும்வரை எந்தத் தடையும் இல்லாமல் படித்து முடிப்பதற்கான ஒரு சிறந்த ஏற்ப்பாட்டையும் குருநாதர் (click link) செய்துவைத்தார். இரண்டு பாஸ்போர்ட் புத்தகங்கள் நிறைந்துவிட்டது. உலகின் மிகச் சிறந்த மென்பொருள் நிறுவனத்தில், ஒவ்வொரு வருடமும் பதவி உயர்வும், ஊதிய உயர்வும் தொடர்ந்து ஐந்து ஆண்டுகள் கிடைத்துக் கொண்டே இருந்தது. ஆனால் இது என் பிறவி நோக்கம் அல்ல! எனக் கருதி வேறு ஒரு நிறுவனத்தில் பணிக்கு சேர்ந்துவிட்டேன். நல்வினையை எப்படி சமமான நிலையில் பார்த்தேனோ, அதே போல் தீவினையும் பார்க்கும் பக்குவத்தை குருநாதர் அருளினார். அடியேன் நான் எல்லோரையும் போல் இல்லறத்தையும் பொருளீட்டளையும் அனுபவித்து வாழ்ந்தாலும், கடந்த 20 ஆண்டுகளில் தினந்தோறும் பணிந்து வேண்டுவது ஏதென்றால், "இறைவன் திருவடியில் விரைந்து சேர வேண்டும்" என்பது மட்டுமே.  கர்மவினை தீர்ந்தால் தான் இறைவனோடு சேர முடியும் எனில் இது எல்லாம் 60 வயதுக்கு மேலே பார்த்துக் கொள்ளலாமே? நடுத்தர வயதில் எதற்கு இதைப் பற்றி யோசிக்க வேண்டும்? என்றுதானே நீங்கள் எண்ணுகிறீர்கள்?  60 வயதுக்கு மேல் கர்மாவின் நோய்களை தாங்கும் உடல் வலிமையும் மனப்பக்குவமும் மிகவும் குறைவாக இருக்கும். எனவே நடுத்தர வயதிலேயே கர்மாவை கழிப்பதுவே மிகவும் சிறப்பு. ஏனெனில் கர்மாவை அனுபவிப்பவரின் வாழ்க்கைத் துணையும், நோயாளியை கவனிக்கும் பக்குவத்திலும், உடல் மற்றும் மனப் பக்குவத்தோடு இருப்பார். 60 வயதுக்கு மேல் வரும் துன்பம் மிகவும் வேதனையை கொடுக்கும், சரியான ஆதரவும் கிட்டாது. 

 

உங்கள் வாழ்க்கை என்னும் சீட்டுக்கட்டில் அனைத்து சீட்டையும் இறைவனை வணங்கி ஏற்று விளையாடித் தான் ஆகவேண்டும். தீவினை வேண்டாம், ஆனால் நல்வினை மட்டும் பில்டர் செய்யப்பட்டு வேண்டும், என்றால் அது சாத்தியம் அல்ல. ஏனெனில் இவை இரண்டும் ஒன்றோடு ஒன்று பிணைக்கப்பட்டுள்ளது. "இறைவனே வேண்டும்" என்ற வேண்டுதலே இரண்டையும் எளிதாய் கடக்கும் பக்குவத்தை தரும்.

எங்கள் குடியிருப்பு பகுதிக்கு அருகே உள்ள பிரசித்தி பெற்ற சக்திவாய்ந்த "எமதர்ம ராஜா மற்றும் சித்திரகுப்தர்" கோவில், கோவை வெள்ளளூர்.   ம்ம், நான் என்ன வேண்டுவேன், என உங்களுக்கே தெரிந்திருக்கும். 

அடியேன் நான் ஏதோ குருட்டாம் போக்கு அறிவுரை அல்லது தத்துவத்தை உங்களுக்கு சொல்லவில்லை. குருநாதர் அருளால் 20 ஆண்டுகள் வாழ்ந்து அனுபவித்துப் பார்த்தபின்னரே இதைச் சொல்கிறேன். ஆனால் நீங்கள் இறைவனிடம் வைக்கும் இந்த வேண்டுதல் சிறிதும் போலித்தன்மை இல்லாமல், சத்தியமான வேண்டுதலாக இருக்க வேண்டும். எப்போதும் இதையே இறைவனிடம் பிராத்திக்க வேண்டும்.

பெரிதினும் பெரிது கேள்!

இறைவனிடம் இறைவனையே கேள்!

எனது முற்பிறவி குழந்தைகளே எனக்கு இப்பொழுது சொந்த பந்த உறவுகளாகவும், நண்பர்களாகவும், அடிக்கடி பழகுபவர்களாகவும் சூழ்ந்து இருக்கிறார்கள். இவர்களில் பலருக்கு பொருளாதார பிரச்சனையில் துன்பப்படுகிறார்கள், சிலருக்கு சொந்த வீடு வேண்டும், சிலருக்கு திருமணம் நடக்க வேண்டும், சிலருக்கு நல்ல வேலை வேண்டும், சிலருக்கு குழந்தைச்செல்வம் வேண்டும், சிலருக்கு நன்கு படிக்க வேண்டும், சிலருக்கு நிம்மதியும் அமைதியும் வேண்டும்,  இப்படி உங்களுக்கு பலதரப்பட்ட "வேண்டும்" உள்ளது. எனது ஆழ்ந்த அனுபவத்தில் நீங்கள் இப்படி ஒரு குறிப்பிட்ட விஷயத்தை இறைவனிடம் கேட்டால், இறைவனின் பார்வை நிச்சயம் உங்கள் மேல் விழாது. இறைவனின் பார்வை உங்கள் மேல் விழ வேண்டும் எனில் நீங்கள் "இறைவா! எனக்கு நீயே வேண்டும்! உன் பாதத்தோடு விரைந்து சேரவேண்டும்!" என்ற பிரார்த்தனை மட்டுமே இறைவனின் பார்வையை உங்கள் மேல் விழச்செய்யும். ஆனால் அது உண்மையான பிரார்த்தனையாக இருக்கவேண்டும். அப்படி எனில் உங்களை சார்ந்து வாழ்வோரின் கதி என்ன? உங்களை சார்ந்து வாழும் உங்கள் பெற்றோர், வாழ்க்கைத் துணை மற்றும் குழந்தைகளையும் இறைவன் பாதத்தில் மானசீகமாய் ஒப்படைத்துவிட்டு, இறைவனின் வேலைக்காரனாக உங்கள் கடமையை உற்சாகமாக தினசரி செய்ய வேண்டும். துன்பமும் துயரமும் நமக்கு இல்லை. உங்கள் ஜாதக ரீதியான கர்மாவால், உங்களை அதிகம் துன்புறுத்த முடியாமல் நாளடைவில் தோற்றுப்போகும். 

பிராத்தனை வைப்பதை இன்னும் தெளிவாக கீழே உள்ள பதிவில் எழுதியுள்ளேன். உங்கள் வெற்றிக்கான அனுபவ இரகசியத்தை வெளிப்படையாய் சொல்லிவிட்டேன். நேரம் கிடைக்கும்போது நிதானமாகப் படித்து உணர்ந்து பயின்று பயன்பெறுங்கள்.

http://fireprem.blogspot.com/2022/03/blog-post_20.html?m=1

ஜெயம் நமதே.

இப்படிக்கு உங்கள், 

அகத்திய பக்தன்

 எட்டிலே கிட்டும் அதிர்ஷ்டம்

 எனது முந்தைய பிறவிகளில் நான் பெற்று வளர்த்த எனது குழந்தைகளே இப்போது என்னிடம் நேரடியாகவோ அல்லது எண்ணங்களின் மூலமோ ஆன்ம தொடர்பில் இருக்கிறார்கள்.  எனது இருபது ஆண்டுகால அனுபவத்தை இயன்ற அளவு சுருக்கி எனது குழந்தைகளுக்காக இப்பதிவை எழுதி வைக்கிறேன்.  இந்தப் பதிவு எனது வாழ்விலும், என்னை சூழ்ந்து இருக்கும் எனது உறவினர்கள் நண்பர்கள் உடன் பணிபுரிபவர்களின் வாழ்வில் நடந்த அனைத்து நிகழ்வுகளையும் ஆய்வு செய்து எழுதப்பட்ட ஒரு ஆழ்ந்த அனுபவ பதிவு. இதை அறிவியல் பூர்வமாக நிரூபிக்க முடியுமா? என்றால் என்னால் நிரூபிக்க முடியாது. 

 

இந்த கலியுகத்தில் ஆங்கில தேதியான 8 தேதிகளில் அதாவது 8, 17, 26 இந்த மூன்று தேதிகள் அவ்வளவாக சிறப்பு பொருந்தியதாக கருதப்படுவதில்லை. இந்த மூன்று தேதிகளும், மேலும் 8 என்ற எண்ணையும் கூட துரதிஷ்டமாகவே பார்க்கப்படுகிறது. நானும் ஆரம்பத்தில் அப்படித்தான் நினைத்தேன். ஆனால் உண்மையில் 8 தேதியின் சிறப்புகளை பிறகு நன்கு ஆராய்ந்து அனுபவித்து உணர்ந்தேன்.  உண்மையில் 8 தேதிகள் பயந்து ஓட வேண்டிய தேதிகள் அல்ல. இந்த தேதிகள் மிகவும் அதிர்ஷ்டமான தேதிகளாக எப்படி உபயோகப்படுத்த வேண்டும் என்பது நன்றாக தெரிந்து இருக்க வேண்டும். 

 சரி இனி பதிவின் முக்கிய நோக்கமான முக்கிய குறிப்புகளை கீழே ஒன்றன் பின் ஒன்றாக வேகமாக பார்க்கலாம்.

 1) 8 தேதிகள் என்றால், 8  17 மற்றும் 26ஆம் தேதிகளைக் குறிக்கும்.

 2) இதைப்போல் 1 தேதிகள் என்றால், 1  10 மற்றும் 19 இந்த மூன்று தேதிகளை குறிக்கும்.  

 3) கலியுக எண் சாஸ்திரப்படி 8 எண், கர்மாவை நீக்கும் அல்லது சேர்க்கும் எண்ணாக கருதப்படுகிறது.

 4) ஒவ்வொரு எட்டு தேதிகளை நாம் இயன்றளவு  மௌனத்தோடு கூடிய இறை வழிபாடு மற்றும் தியானத்திற்கு மட்டும் உபயோகப்படுத்துவது நல்ல அதிர்ஷ்டத்தைத் தரும், மேலும்  நமது பிறவி கர்மாவையும் விரைந்து நீக்கும். 

5)  8 தேதிகளில் இயன்ற அளவு உலக விஷயங்கள்,  முக்கிய வேலைகளை செய்தல், புதிய நல்ல காரியங்களை  துவங்குதல் போன்ற செயல்களை செய்வதை தவிர்ப்பது மிக மிக நல்லது.  இதுவே நல்ல அதிர்ஷ்டத்தை அவர்களுக்கு தரும். 

6)  8 தேதிகளில் கடைப்பிடிக்கும் மௌனம் மற்றும் இறைவழிபாட்டில் கிடைக்கும் அதிர்ஷ்டத்தையும் மனநிம்மதியையும்  1, 4, 5 மற்றும் 6 தேதிகளில் நன்கு உணரலாம்.  

7) ஒவ்வொரு மாதங்களில் 8 தேதிகளை குறித்து வைத்து, தொடர்ந்து பயன்படுத்திக் கொண்டு வரும்பொழுது, அதுவே நல்ல அதிர்ஷ்டத்தையும் முன்னேற்றத்தையும் காட்டும்.

8) இருபத்தியோரு வயதுக்கு மேற்பட்டவர் மட்டும் இதை கடைபிடித்தால் போதுமானது. பொதுவாக கர்மா முழுமையாக வெளிப்பட ஆரம்பிக்கும் வயது இதுவே.  சில விதிவிலக்கும் உண்டு. அடியேன் எனக்கு மூன்று வயதிலேயே சனி திசை ஆரம்பித்து படாதபாடு பட்டேன்.  மனிதர்களின் உச்சக்கட்ட கர்மாவைக் கண்டு, மனித வாழ்வின்  நோக்கத்தை, சிறு வயதிலேயே நன்கு கற்று தேற வைத்தார் ஆசான் சனீஸ்வர பகவான்.  சனிபகவானே என் வாழ்வின் முதல் ஆசிரியர்.  ஒருவேளை இந்த வயதில் எனக்கு ஆசான் இந்த பாடத்தை நடத்தாமல் இருந்திருந்தால், நான் ஒழுங்கற்றவனாக மாறியிருப்பேன். 

9)  8 தேதிகளில் செய்யப்படும் நல்ல காரியங்களும், உலக விஷயங்களும் நீண்டநாள் வெற்றியைத் தருவதில்லை. அது விரைந்த தோல்வி, நஷ்டம், மனம் மற்றும் உடல் துன்பத்தைக் காட்டுகிறது.

10) நீங்கள் பணி செய்பவராயின், இந்த எட்டு தேதிகளை ஏதேனும் ஒரு காரணத்தை சொல்லி இயன்றவறை விடுப்பு எடுத்து, மௌனம் மற்றும் இறை வழிபாடு செய்யலாம். உங்கள் வாழ்வில் நீங்கள் உங்களுக்காக வாழும் உன்னதமான நாட்கள் இதுவே. உங்களுக்கு வாசியோகம் தெரிந்தால் இன்னும் சிறப்பு.

11) உங்கள் குடும்ப உறுப்பினர்கள் தடை விதித்தால், அவர்கள் நலனுக்காகவே இந்த மௌன விரதத்தை நீங்கள் கடைப்பிடிப்பதாக சொல்லுங்கள். அவர்கள் ஒத்துக் கொள்வார்கள். அவர்களின் உடல்நலம் மன நலத்திற்கு தான் இதை நீங்கள் செய்வதாக சொல்லி விடுங்கள். அல்லது உங்கள் உடல் நலம், மன நலம் மற்றும் பண வரவிற்காக செய்வதாக சொல்லுங்கள். பணம் என்றால் பிணமும் வாயைத் திறக்கும், அனைவரும் அமைதியாகி விடுவார்கள்.

12)  துரோகம், பாவச்செயல், ஒழுக்கமற்ற செயல், சூதாட்டம் மற்றும் சட்டத்திற்குப் புறம்பான செயல் போன்ற தீய செயல்களில் ஈடுபடுவோருக்கு 8 தேதிகள் மிகவும் அதிர்ஷ்டத்தைக்  கொடுப்பது போல் ஆசைகாட்டி, அவர்களை மீளவே முடியாத துன்பத்திற்கு இட்டுச்செல்லும்.

1

3) தர்ம சிந்தனையும், நல்ல எண்ணங்களும் கொண்டவர்கள் 8 தேதிகளில் அதிக துன்பத்திற்கு ஆளாவது இயல்பு. ஏனெனில் அந்த நாட்களில் அவர்களின் கர்மா துரிதமாய் வெளியேற முயற்சி செய்யும். எது சத்தியம் எது நிலையற்றது என்ற ஞானத்தைக் கற்றுக்கொள்வார்கள். அதனாலேயே அவர்களை நான் மௌனம் மற்றும் இறைவழிபாட்டில் கவனம் செலுத்தச் சொல்கிறேன்.

14) மௌனம் என்றால் வாயை மட்டும் மூடிக்கொள்வது அல்ல. இயன்றவரை புறவிசயங்களில் இயங்காமல், இறைசிந்தனையோடு நாள் முழுவதும் இருப்பதாகும்.

15) என்னதான் வாயை மூடி மௌனம் கடைபிடித்தாலும், எண்ணங்கள் அதிவேகமாய் தொடர்ந்து வெளியேறிக்கொண்டே இருக்கும். இதுவே சிறப்பு. அந்த எண்ணங்களை கவனியுங்கள். நம் உயிரைச் சூழ்ந்த கர்மாவின் வெளிப்பாடாக அது இருக்கும். எண்ணங்களை மீண்டும் மீண்டும் இறைவனை நோக்கி செலுத்துங்கள். அன்றய பகலில் உறங்கிவிடாதீர்கள். ஞானம் சார்ந்த புத்தகங்கள் சிறிது நேரம் படிக்கலாம்.

16)  8 எண்ணை உலக விசயங்களுக்கு அதிர்ஷ்டமான எண்ணாக கருதும் நாடு எது தெரியுமா? அது உங்களுக்கு தெரிந்தாலே நான் அதிகம் சொல்ல தேவையில்லை, அனைத்தையும் நீங்களே புரிந்துகொள்வீர்கள். கீழே உள்ள ஸ்க்ரீன் ஷாட்டைப் பாருங்கள்.

17)  இறைவன் என்னும் போலீஸ் அதிகாரி, தீயவர்களை அடையாளம் காண மாறுவேடத்தில் வீரியமாய்க் காத்திருக்கும் நாட்களில், நல்லவர்கள் மௌனமாய் செயல் இழந்து இருப்பார்கள். அடியேன் நான், சீட் பெல்ட் போடவில்லை,  ஒரிஜினல் லைசன்ஸ், காரின் கண்ணாடி ஒளி ஊடுருவும் தரத்தில் இல்லை, அறியாமல் ஒருவழிப்பாதையில் வந்தேன்  -  என பலமுறை அபராதம் செழுத்திய நாட்கள் இந்த 8 தேதிகளே. இத்தனைக்கும் பதில் சொல்லிவிட்டு சாலையைக் கடக்க முற்ப்பட்டபோது, "பாதாள சாக்கடை உடைந்ததால் மாற்றுப் பாதையில் செல்லவும்" என தடுப்புப் பலகை இருக்கும். இத்தனை சோதனை செய்த அந்த அதிகாரி இதை முன்பே சொல்லியிருந்தால் நான் அப்படியே திரும்பியிருப்பேனே...

நான் அதிக அனுபவ பாடங்களையும் கற்றிருக்கிறேன்.  அந்த அதிகாரி, அந்த நாளில், "போலீஸா... பொறுக்கியா..." என்ற சினிமா வசனத்திற்கேற்றபடி கெடுபிடியாகத்தான் இருப்பார்.

18) நீங்கள் நன்கு கவனித்துப் பார்த்தால், இந்த நாட்களே உங்களுக்கு அதிக கோபம், வாய் தகராறு, அடிதடி எண்ணங்கள் அதிகமாய் இருக்கும். மௌனத்திற்குள் ஓடிவிடுங்கள் என் செல்லக்குட்டிகளே. போலிஸ் அதிகாரி வந்துகொண்டிருக்கிறார். கவனம்.

19)  ஒருவர் 8 தேதிகளில் இயல்பாகவே சோதனைகளை அனுபவிக்கிறார் எனில் அவருக்கு சூரியனின் ஆற்றல் மிகுந்து கிடைக்கிறது என்று பொருள். அவர் கூடிய விரைவில் அற்புதமான பொருட் செல்வத்தையும் அருட் செல்வத்தையும் பெறப் போகிறார் என்ற மகிழ்வான செய்தியை, எனது அனுபவத்தின் மூலம் சொல்கிறேன்.  இந்த நாட்களில் மௌனத்துடன் கூடிய தியானத்தில் ஈடுபட்டால் சூரிய ஆற்றல் பல மடங்கு பெருகும்.

20) திருமணத்திற்காக காத்திருக்கும் என் செல்லக் குழந்தைகளுக்கான பதிவை கீழே எழுதியுள்ளேன்.

http://fireprem.blogspot.com/2021/07/blog-post_20.html?m=1

21) ஈஸ்வர தியானத்திற்கு பௌர்ணமி, பிரதோசம், ஷஷ்டி போன்ற பல சுப நாட்கள் இருந்தாலும்,  8 தேதிகள் தியானத்திற்கு அதிக பலன் அளிக்கும். ஏனெனில் அந்த நாட்களே நம் கர்மா வீரியமாய், நம் எண்ணங்களாக வெளிப்பட முயற்சிக்கும். அதை மௌனமாய் நாம் கவனித்தாலே போதும்.

கலியுக எண் சாஸ்திரத்திற்கான என் மானசீக குரு தெய்வத்திரு பண்டிட் சேதுராமன் அய்யா பாதம் பணிந்து நன்றி தெரிவித்து இப்பதிவை நிறைவு செய்கிறேன்.

இப்படிக்கு உங்கள்,

அகத்திய பக்தன்.

நாதம் என் வேதமே

 நாதம் என் வேதமே

ஓம் அகத்தீசாய நமஹ.

 இந்த பதிவு உங்களுக்கோ அல்லது உங்கள் குழுவுக்கோ எந்த அளவுக்கு பொருந்தும் என்று எனக்கு தெரியவில்லை. எனினும் யாரோ ஒருவருக்கு இந்த தகவல்கள் போய்ச் சேர வேண்டும் என்பது குருநாதரின் விருப்பமாக இருக்கலாம்.  இப்பதிவில் குறிப்பிட்ட ஏதாவது ஒரு சிறு குறிப்பு அல்லது சிறிய அனுபவமோ உங்களுக்கு உபயோகமாக இருப்பின் அது குரு நாதரின் அருளாகவே இருக்கும்.

கடந்த 2015ஆம் வருடம் மே மாதம், குருநாதர் அருளால் எனக்குக் கிடைத்த அனுபவத்தை முந்தைய பதிவில் எழுதினேன்.  ஆனால் அதில் எழுதாமல் விடுபட்ட "நாதம்" என்ற பகுதியை இங்கு எழுதுகிறேன்.   பொதுவாக இது போன்ற யோக அனுபவங்களை பதிவாக எழுதும் பொழுது, எனக்கு ஏதோ நிறைய சுய தம்பட்டம் அடித்துக் கொள்வது போல் குற்ற உணர்வாய் தோன்றும். அதனால் இயன்றவரை எழுதாமல் காலம் தாழ்த்தி கொண்டே இருப்பேன். எனினும் குருநாதர் ஆழ்மனதில் இருந்து இதற்கான தூண்டுதலை கொடுத்துக்கொண்டே இருப்பார். ஒரு வேளை யாரோ ஒருவருக்கு இந்த தகவல் தேவைப்படலாம் என்று கருதியே இப்பதிவை இங்கு எழுதுகிறேன்.

 அந்த விந்தையான யோக அனுபவத்திற்கு பின் எனக்கு சிரசில் ஒரு ரீங்கார ஒலி கேட்க ஆரம்பித்தது.  அது சில நேரங்களில் வீரியமாக கேட்டது, சில நேரங்களில் மிதமாக கேட்டது.  ஆரம்பத்தில் நான் அதை, அறையை சூடேற்றும் கருவியின் ஓசை என்று நினைத்தேன்.  ஏனெனில் ஜெர்மனியில் வீடு மற்றும் அலுவலகங்கள் அனைத்து இடங்களிலும் சூடேற்றும் கருவி இயங்கிக் கொண்டே இருக்கும். சில தினங்கள் கழித்து அந்த வினோத ஒலி எனக்கு மட்டும் கேட்கிறது என தோன்றியது.  இதை உறுதிப்படுத்த ஜெர்மனில் என்னுடன் பணிபுரியும் பிரசன்னாவிடம் லேசாக தயக்கத்தோடு கேட்டேன். அவர் தனக்கு அப்படி ஏதும் ஒரு வினோத ஒலி கேட்கவில்லையே என்றார்.  அதற்கு பிறகுதான் எனக்கு சிறிது குழப்பமாக இருந்தது. ஏன் இந்த ஓசை எனக்கு மட்டும் கேட்கிறது?  குடும்ப வாழ்க்கையில் இருக்கும் நான் ஏதோ செய்யக் கூடாத யோகப் பயிற்சியை செய்து விட்டோமோ என சிறிது கவலை வந்தது.  எனினும் யோகப் பயிற்சியை தினமும் கடைப்பிடித்தேன்.  அவ்வாறு பயிற்சி செய்வது எனக்கு மிகுந்த உற்சாகமாக இருந்தது. மேலும் அந்த கடும் குளிருக்கு மிகவும் இதமாக இருந்தது யாரிடம் இதைப்பற்றி கேட்கலாம் என யோசித்தேன்.  நமது குரு நாதரின் அருள் பெற்ற தவயோகி தங்கராசன் அடிகளாரிடம் கேட்கலாம் என தோன்றியது. ஆனால் அவர் பயிற்சியின் முழு விவரத்தையும் கேட்பாரே ? என்ன பதில் சொல்வது, என கவலைப்பட்டேன்.  நான் விரும்பி யோகப் பயிற்சி செய்யவில்லை, எனக்கு எந்த மனிதகுருவும் இல்லை, என்பதை அவர் எப்படி நம்புவார்? நான் பயிற்சி செய்யவில்லை, மாறாக பயிற்சி செய்ய பணிக்கப்பட்டேன்.   எனினும் அவரிடம் மின்னஞ்சல் மூலமாக கீழ்க்கண்டவாறு கேட்டேன் நான் எதிர்பார்த்தது போல் அவரும் மேலும் அதிக விவரங்களை கேட்டார். என்ன சொல்வது என்று தெரியாமல் அப்படியே பதில் சொல்லாமல் விட்டு விட்டேன்.

கூகுள் தேடலில் இதன் பெயர் Tinnitus என்ற காது நரம்பு பாதிப்பு என பயமுறுத்தியது.  எனினும் பயிற்சியை நிறுத்த மனமில்லை, வருவது வரட்டும், ஆறிலும் சாவு நூறிலும் சாவு தான்.  மரணமே வந்தாலும் குருநாதரின் பாதத்தை தானே அடையப் போகிறேன், என தொடர்ந்து பயிற்சி செய்ய ஆரம்பித்தேன்.  எப்போதும் நீங்காத ஒலி எனக்கு மட்டும் கேட்டு கொண்டே இருந்தது.  கடந்த 2018ம் ஆண்டின் இறுதியில் "பாண்டிச்சேரி ஞானாலயம்"  உயர் ஆன்மாக்களின் நூல்களை படிக்க ஆரம்பித்த பிறகுதான் இந்த வினோத ஒலியின் பெயர் "நாதம்" என்று தெரிந்து கொண்டேன். எங்கு செல்கிறோம், எப்படி செல்கிறோம் என்ற சரியான தெளிவு இல்லாத எனக்கு பாண்டிச்சேரி அன்பாலயம் நூல்களை  காட்டிக்கொடுத்த நம் குருநாதரின் பாதங்களை பணிந்து நன்றி தெரிவித்தேன்.  

நான் மந்திர தீட்சை பெற்ற பின் அந்த மந்திரத்தை எனது முந்தைய பதிவான "அனுபவ ஞானம் - மந்திரம்" என்ற பதிவில் உள்ளபடி கும்பகப் பிராணாயாமத்தை சேர்த்து சிறிது சிறிதாக பயிற்சி செய்ய ஆரம்பித்தேன் இது எனக்கு ஏற்கனவே கேட்டுக்கொண்டிருந்த நாதத்தை நன்கு வீரியமான ஓங்கிய ஒலியாக செவிமடுக்கச் செய்தது.  இது என் தனிப்பட்ட சுய முயற்சிதான். இதை யார் செய்யலாம் யார் செய்யக்கூடாது என்பதை நீங்களே குருநாதரை தியானம் செய்து முடிவெடுத்துக் கொள்ள வேண்டும். எனக்குத் தெரிந்தவரை அதற்கான ஆன்ம தகுதிகளை அதே பதிவில் எழுதியுள்ளேன். இறைவனின் அருளை பெறுவதற்கு நிபந்தனையற்ற அன்பு மட்டுமே மட்டுமே போதுமானது. கடுமையான பயிற்சிகள் செய்ய வேண்டும் என்ற கட்டாயம் கிடையாது.

 கும்பக பிராணாயாமத்தில் நன்கு தேர்ச்சி பெற்றவர்கள் மட்டும் கீழ்கண்ட எனது அனுபவ முறைகளை முயற்சி செய்யலாம். இது நாதத்தை மேலும் மெருகேற்றும். இப்பயிற்சியின் விளைவுகளையும் நீங்கள் தாங்கிக் கொள்ளத் தான் வேண்டும். உங்கள் உடலுக்கு ஒத்து வருமா என்பதை யோசித்து முடிவு எடுங்கள்.

ரேசகம் - ஒரு மந்திரம் அளவு

 பூரகம் - இரண்டு மந்திரங்களின் அளவு 

கும்பகம் - நான்கு மந்திரங்களின் அளவு

 மேலே உள்ள பயிற்சியில் நன்கு தேறியவர்கள் ( குறைந்தது ஒரு மண்டல காலம்)  மேலும் முன்னேற விரும்புபவர்கள் கீழ்கண்ட அடுத்த பயிற்சி முறையையும் செய்து பார்க்கலாம்.

 ரேசகம் - ஒரு மந்திர அளவு

 பாஹ்ய கும்பகம் - ஒன்று அல்லது இரண்டு மந்திரங்களின் அளவு

 பூரகம் - இரண்டு மந்திரங்களின் அளவு

 கும்பகம் - நான்கு மந்திரங்களின் அளவு

 இவ்வித பயிற்சிகளின் விளைவாக அடிவயிற்றில் நாய்க்குட்டி ஒன்று  முனங்கும் ஓசை கேட்கும். மேலும் வயிற்றில் இரைச்சல்,  வீரியமான எண்ணங்களின் வெளிப்பாடு பிறகு எண்ணங்கள் மெல்ல மெல்ல அடங்கும். சிறிது சிறிதாக உலக வாழ்க்கை வெறுக்க ஆரம்பிக்கும். இந்த பயிற்சியின் பின் சுழுமுனை தியானம் செய்யும்போது நாசியில் சுவாசம் சிறிது சிறிதாக ஸ்தம்பிப்பதையும், நாதத்தில் சில மாற்று சுருதிகள் மற்றும் ஓசை வேறுபடுவதையும் நன்கு உணரலாம். உள்ளாடைக்குள்ளிருந்து பஞ்சுகள் உட்புறமாக உறிஞ்சப்பட்டு உடலில் ஒட்டியிருக்கும். உடல் உருகி கிட்டத்தட்ட மரணத்தை நோக்கிய பாதைதான். அதனாலேயே பல ஞானிகளும் சித்தர்களும் இதை வேண்டாம் என அறிவுறுத்தினார்கள்.

 மேற்கண்ட பயிற்சியில் நன்கு தேறியபின், சில யோகிகள், குருநாதர் அருளால் உச்சிஷ்ட கணபதி நுணுக்கங்கத்தோடு ஹடயோகம் முத்திரைகளும் சேர்ந்த பயிற்சிகளை செய்வார்கள். இதை மனிதர்கள் சொல்வது நிச்சயம் சாபத்தை கொடுக்கும் இதை சுழுமுனை நாடியில் குருநாதரே நின்று உபதேசிப்பார்.  இன்னும் சில யோகிகள் இந்த யோகப் பயிற்சிகளோடு பாதரசத்தையும் உபயோகம் செய்வார்கள். பாதரசம் என்பது ஒரு விஷம் என்று உங்களுக்கு நன்றாக தெரியும். எனினும் அந்த யோகியர்கள் இது போன்ற பயிற்சிகளை ஆபத்து என நன்கு தெரிந்தும் செய்வார்கள்.

 சரி, மீண்டும் எனது அனுபவத்திற்கு வருவோம். எப்போதும் எனக்கு கேட்டுக் கொண்டிருந்தத ரீங்கார நாதம்,  சில ஆண்டுகளில் மாற்றத்தை உணர முடிந்தது. ஒரு முறை மானாமதுரை பஞ்சமுக பிரித்தியங்கிரா தேவி ஆலயத்திற்கு மகா சண்டி யாகத்திற்காக சென்றபோது, இறுதி நாள் மாலை அமைதியாக யாக சாலைக்கு அருகே அமர்ந்து நாதத்தோடு தியானம் செய்து கொண்டிருந்தேன். வழக்கமான நாதத்தில் ஆச்சர்யமான மாற்றம் இருந்தது. அப்போது குழம்பு கொதிக்கும் தலபுல சத்தம் கேட்க ஆரம்பித்தது.  இன்னும் உன்னிப்பாக கவனித்ததில் அது மத்தள நாதமாக கேட்டது. இது சில சமயம் டம்டம் என வீரியமாகவும் கேட்கும்.  அதே ஆலயத்தின் ஸ்தல விருட்சமான தான்றி மரத்திற்கு அடியில் பகல்பொழுதில் தியானம் செய்யும் பொழுது வழக்கமான ரீங்கார நாதம், வீணை நாதமாக மாற்றமடைவதை கவனிக்க முடிந்தது.

நாதத்தில் இன்னும் பல படிநிலைகள் கடக்கவேண்டி உள்ளது. குருநாதர் பாதம் போற்றி.  என்னைப் போன்று பல விதமான வேறுபட்ட மார்க்கங்களை சார்ந்தவர்களும், பாண்டிச்சேரி ஞானாலயத்தில் தீட்சைகளைப் பெற்று ஆன்ம முன்னேற்றம் பெற்றுக் கொண்டிருக்கிறார்கள்.  

 மேலும் சில கேள்வி பதில்களையும் இங்கு பார்ப்போம். நானே எனது அனுபவத்தை, சுய புராணமாய் பாடிக் கொண்டே இருப்பதில் என்ன பலன் ?  உங்களுக்கும் ஏதாவது ஒரு சிறு குறிப்பாவது இங்கே உபயோகமாகும் என்று நம்புகிறேன். நீங்களும் குருநாதர் அருளால் நாதத்தை செவிமடுக்க வேண்டும், என்பதே எனது விருப்பம்.

கேள்வி பதில்.

1) மேற்கண்ட பயிற்சி செய்பவரின் உணர்வுநிலை என்ன?

பாடல் பதிவாக.

http://fireprem.blogspot.com/2021/07/blog-post.html?m=1

2) உச்சிஷ்ட கணபதி நுணுக்கம் என்றால் என்ன?

http://fireprem.blogspot.com/2022/03/blog-post.html?m=1

3) ஞானம் பெறுவதற்க்கு இவ்வளவு கஷ்டமான பயிற்சிகள் அவசியமா?

 அவசியம் இல்லை. எளிதாகவே ஞானத்தை பெறலாம். அடியேன் நான் இந்த இந்த பயிற்சிகளை செய்வேன் என்று ஆன்ம நிர்ணயம் கொண்டு பிறவி எடுத்தால் அதை செய்ய வேண்டிய கட்டாயம் ஏற்பட்டுவிட்டது.

http://fireprem.blogspot.com/2018/10/blog-post.html?m=1

4) 2015 ஆம் ஆண்டில் கிடைத்த யோக அனுபவம் என்ன?

http://fireprem.blogspot.com/2018/11/blog-post_29.html?m=1

http://fireprem.blogspot.com/2017/03/2017.html?m=1

5) அனுபவ ஞானம் - மந்திரம். பதிவில் என்ன உள்ளது?

http://fireprem.blogspot.com/2021/10/2.html?m=1

6) கும்பக பிராணாயமத்திற்கான ஆன்ம தகுதி என்ன?

http://fireprem.blogspot.com/2021/08/?m=1

7) கும்பகம் பற்றி சித்தர்களின் கருத்து என்ன? செய்யலாமா   கூடாதா?

https://fireprem.blogspot.com/2017/03/blog-post.html?m=1

8) நாதம் செவிமடுக்க, மற்ற யோகிகள் எழுதிய எளிய நுணுக்கங்கள்.

http://tamilmarmayogam.blogspot.com/2015/06/blog-post_25.html

https://psychologicallyastrology.com/2020/03/09/sounds-heard-during-mediation/

https://www.yogameditation.com/reading-room/nada-yoga/

http://www.ipn.at/ipn.asp?BJE

https://auromere.wordpress.com/2010/02/12/the-subtle-sounds-which-indicate-progress-in-yoga/

https://medium.com/@anamcaramanila/the-subtle-sounds-which-indicate-progress-in-yoga-d13a599c8dc0

9) உயர்ந்தது எது? குருநாதரா? நுணுக்கங்களா?

http://fireprem.blogspot.com/2018/08/blog-post.html?m=1

10) ஒருவர் பொதுவாக, எந்தக் காலகட்டத்தில் ஞானத்தைத் தேடுவார்?

http://fireprem.blogspot.com/2017/09/blog-post.html?m=1

இப்படிக்கு,

அன்புடன்

அகத்திய பக்தன்.